ඇමෙරිකාව පැනවූ තීරු බදු සම්බන්ධයෙන් ජනාධිපති අනුර කුමාර දිසානායක විසින් ඇමෙරිකානු ජනාධිපති ඩොනල්ඩ් ට්‍රම්ප් වෙත ලිපියක් යවා ඇති බව ආර්ථික සංවර්ධන නියෝජ්‍ය අමාත්‍ය ආචාර්ය අනිල් ජයන්ත පවසයි.
අද (08) පාර්ලිමේන්තුවේදී නියෝජ්‍ය අමාත්‍යවරයා මේ බව සඳහන් කර සිටියේය.
ඒ පිළිබඳව පිළිගැනීමක් ලැබී ඇති බවත්, ඒ අනුව, මේ සම්බන්ධයෙන් අද (8) රාත්‍රී 8ට එක්සත් ජනපද වෙළෙඳ නියෝජිත කාර්යාලය සමග රැස්වීමක් පැවැත්වීම නියමිත බවත් නියෝජ්‍ය අමාත්‍යවරයා වැඩිදුරටත් සඳහන් කර සිටියේය
