හිටපු හමුදාපතිවරුන් තිදෙනෙකු ඇතුළු පිරිසකට බ්‍රිතාන්‍ය විසින් සම්බාධක පනවා තිබීම සම්බන්ධයෙන් තමන් නොදන්නා බව ආරක්ෂක නියෝජ්‍ය ඇමති අරුණ ජයසේකර මහතා පවසයි.
ඒ සම්බන්ධයෙන් සොයා බලා තමන් ප‍්‍රකාශයක් සිදු කරන බවද ඔහු පැවසීය.
හිටපු හමුදාපති ශවේන්ද්‍ර සිල්වා, හිටපු නාවික හමුදාපති වසන්ත කරන්නාගොඩ, හිටපු හමුදාපති ජගත් ජයසූරිය ඇතුළු මෙරට පුද්ගලයන්ගේ කීපයකට බ්‍රිතාන්‍යය විසින් පනවා ඇති සම්බාධක පිළිබඳ කළ විමසීමකදී නියෝජ්‍ය අමාත්‍යවරයා මේ බව කියා සිටියා.
‘ඒ සම්බන්ධයෙන් මම බලලා කියන්නම්. මට ආරංචි වුණා මං ඒ සම්බන්ධයෙන් බලලා තොරතුරක් දෙන්නම්. මං බලලා කියන්නම් මං ඒ ගැන දන්නෑ. මං බලලා කියන්නම්. එහෙනම් මේ දැන් ආපු පණිවිඩයක් වෙන්න ඇති’ යනුවෙන් නියෝජ්‍ය අමාත්‍යවරයා මාධ්‍ය හමුවේ කියා සිටියා.
