ජාතික ජනබලවේගය පක්ෂයේ කොළඹ දිස්ත්‍රික් පාර්ලිමේන්තු මන්ත්‍රී සුසන්ත දොඩාවත්ත විසින් බලහත්කාරයෙන් අත්පත් කරගෙන ඇතැයි සඳහන් කෙරුණු සිය බිරිඳ ගේ ප්‍රාඩෝ වර්ගයේ මෝටර් රථය පොලිස් භාරයට ගෙන තිබේ.
පිළියන්දල පොලිසිය විසින් මෝටර් රථය සිය භාරයට ගෙන ඇත්තේ එය පාර්ලිමේන්තු මන්ත්‍රී සුසන්ත දොඩාවත්ත ගේ මිතුරෙකු සන්තයේ තිබියදී ය.
අදාළ මෝටර් රථය තමන්ට ලබාදෙන ලෙස ඉල්ලමින් පිළියන්දල පොලිසිය වෙත මන්ත‍්‍රීවරයා ගේ බිරිඳ අවස්ථා කිහිපයකදීම පැමිණිලි කර සිටියත් පිළියන්දල පොලිසිය ඊට කිසිඳු ප්‍රතිචාරයක් නොදැක්වූ බව පවසමින් සුසන්ත දොඩාවත්ත මන්ත‍්‍රීවරයා ගේ බිරිඳ නීතිඥවරියක සමඟ පැමිණ පොලිස් මූලස්ථානය වෙත ද පැමිණිල්ලක් ගොනුකර තිබිණ.
පොලිස් ආරංචි මාර්ග සඳහන් කර සිටින්නේ අයිතිය තහවුරු කර ගැනීමෙන් පසුව මෝටර් රථය අයිතිකරුට මුදාහරින බවයි.
