යුක්‍රේනයේ සාමය සහතික කිරීම සඳහා බ්‍රිතාන්‍ය අගමැති ස්ටාර්මර් සන්ධානයක් ප්‍රකාශයට පත්කර තිබෙන බව විදෙස් මාධ්‍ය වාර්තා කර තිබේ.
යුද්ධය අවසන් කර රුසියාවෙන් යුක්‍රේනය ආරක්ෂා කිරීම වෙනුවෙන් ඔවුන් සමඟ කටයුතු කිරීමට බ්‍රිතාන්‍ය අගමැති කීර් ස්ටාර්මර් කරුණු හතරකින් යුත් සැලැස්මක් ප්‍රකාශයට පත් කර තිබෙන අතර බ්‍රිතාන්‍යය, ප්‍රංශය හා අනෙකුත් යුරෝපා රටවල් මෙම සන්ධානය නියෝජනය කරන බවද සඳහන් වේ.
යුරෝපා සහ යුක්‍රේන ජනාධිපති ව්ලැඩිමියර් සෙලෙන්ස්කි ඇතුළු නායකයින් 18 දෙනෙකුගෙන් යුත් සමුළුවක්ද මේ සඳහා පවත්වා තිබෙන බව විදෙස් මාධ්‍ය වාර්තා කරයි.
යුක්‍රේන නායකයා සහ ඇමරිකා ජනාධිපති ඩොනල්ඩ් ට්‍රම්ප් අතර ඇති වූ උණුසුම් වචන හුවමාරුවකින් දින දෙකකට පසුව මෙම සන්ධානය බිහි වීමද විශේෂත්වයක් බව විදෙස් මාධ්‍ය වැඩිදුරටත් වාර්තා කර තිබේ.
