Home අද මහින්ද ඉන්න ගෙදර කීයටවත් ඔහුට දෙන්නේ නෑ : ජනපති අනුර

මහින්ද ඉන්න ගෙදර කීයටවත් ඔහුට දෙන්නේ නෑ : ජනපති අනුර

50
0

හිටපු ජනාධිපති මහින්ද රාජපක්ෂ දැනට පදිංචි විජේරාම නිවස කිසිසේත් ඔහුට නොදෙන බව ජනාධිපති අනුර දිසානායක පවසයි. එබැවින් එම නිවස රජයට ලබාදිය යුතු බවත් අවශ්‍ය නම් සුදුසු නිවසක් ලබාදීමට සූදානම් බවත් ජනාධිපතිවරයා පැවසීය. ජනාධිපති අනුර දිසානායක මේ බව සඳහන් කර සිටියේ ගල්ගමුව ප්‍රදේශයේ  (01) පැවති ජනහමුවක් අමතමිනි. එහිදී ඔහු වැඩිදුරටත් මෙසේද සඳහන් කළේය .

දේශපාලනඥයාගේ හොරකම්, නාස්තිය නවත්වන්න කිව්වා. අපි එය කළා – කොච්චර නාස්තියක් නතර කළාද ? මගේ වැය ශිර්ෂය 50%කින් කපලා තියෙන්නේ. මම සහතියක් දෙන්නම් ඒකත් ඉතුරු කරනවා මේ අවුරුද්දේ. අපි නාස්ති කරන්නේ නැහැ. අපි කිව්වා හිටපු ජනාධිපතිවරුන්ට කැපකිරීම් කරන්න කියලා. අපි කිව්වා ඔයා ඉන්න ගේ ලොකු වැඩියි, ඒක වර්ග අඩි 30,500යි. පිට්ටනියක් වගේ ගෙවල්. ඉන්නේ දෙන්නයි පාළු නැද්ද ? පසුගිය කාලේ ප්‍රතිසංස්කරණ වියදම්වලට රුපියල් කෝටි 47ක්. අපි කිව්වා ඕක බර වැඩියි, ලොකු වැඩියි කිව්වා. එතකොට කියනවා මාව එළියට දාන්න හදනවා, මගෙන් පළිගන්න හදනවා. පළිගැනීමක් නෙමයි මහජන මුදල් නාස්ති කරන්න එපා. ඒ නිසා අපි කියන්නේ කරුණාකරලා ගේ දෙන්න. ඉන්නම තැනක් නැත්නම් දෙන්නට හරියන්න ගෙයක් දෙන්නම්.  මුළු ජනාධිපති කාලෙම අවුරුදු 10ක් බැංකු ගිණුමට පඩිය ඇවිල්ලා පඩිය අරගෙන නෑ. ළඟ හිටපු පුද්ගලික් ලේකම් පඩියට වැඩේ දීලා. එයාගේ විතරක් නෙමයි පුතාත් බැංකු ගිණුමට ආපු පඩිය අරන් නැහැ. පඩිය අමතක වෙනවා.  හිතන්නකෝ කොච්චර ධනයක් ඇතිද ? දැන් කියනවා ඉන්න ගෙයක් නැහැලු. නැත්නම් එකක් දෙන්නම්. හැබැයි ඕක නම් දෙන්නේ නැහැ.”

Previous articleපාර්ලිමේන්තුවේ අවනඩුවක් : විපක්ෂයේ සියලු පක්ෂ එකම සාකච්ඡා මේසයක !
Next articleමාලිමා වැඩපිළිවෙළ ක්‍රියාත්මක කරන්න බිමේ බලයත් අවශ්‍යයි – මාලිමාවේ නි.ඇ. අරුණ කියයි !

LEAVE A REPLY

Please enter your comment!
Please enter your name here