Home Uncategorized SLAM Power Solutions සමාගම විශිෂ්ටම පාරිභෝගික සේවා සපයන්නා ලෙස BWIO සම්මාන දිනයි

SLAM Power Solutions සමාගම විශිෂ්ටම පාරිභෝගික සේවා සපයන්නා ලෙස BWIO සම්මාන දිනයි

93
0

මෙරට පුනර්ජනනීය සහ සුනිත්‍ය බලශක්ති ක්ෂේත්‍රයට අදාළ නිෂ්පාදන සහ සේවා සපයන ප්‍රමුඛයෙකු වන SLAM Power Solutions පෞද්ගලික සමාගම Business World International Organization සංවිධානය කළ BWIO සම්මාන උළෙලේදී බලශක්ති / පුනර්ජනනීය බලශක්ති අංශයේ මහා පරිමාණ කාණ්ඩයේ විශිෂ්ටම පාරිභෝගික සේවා සපයන්නා ලෙස ප්ලැටිනම් සම්මාන ලැබීය.

කතානායක මහින්ද යාපා අබේවර්ධන මහතාගේ ප්‍රධානත්වයෙන් ටාජ් සමුද්‍රා හෝටලයේදී පැවැති සම්මාන උළෙලේදී සමාගමේ කළමනාකරණ අධ්‍යක්ෂ මනෝජ් තාරක සහ සහකාර සාමාන්‍යධිකාරි ළහිරු උදයංග වෙත සම්මානය පිරිනැමිණි.

2020දී ඇරඹූ SLAM Power Solutions වර්තමානයේදී මෙරට පුනර්ජනනීය බලශක්ති ක්ෂේත්‍රයේ ඉදිරි පෙළ සාමාජිකයෙකි.

FIMER S.P.A. (ඉතාලිය), VICTRON Energy (නෙදර්ලන්තය), ABB (ස්විට්සර්ලන්තය) සහ ENERSYS (අමෙරිකා එක්සත් ජනපදය) යන සමාගම්වල බලය ලත් සහකරු සහ සේවා සපයන්නා ලෙස ශ්‍රී ලංකාවේ කටයුතු කරන එම සමාගම උසස්ම තත්ත්වයේ නිෂ්පාදන සහ සේවා සපයමින් ඉතා කෙටි කාලයකින් පාරිභෝගික විශ්වාසය ඉහළින්ම දිනා ඇත.

ABB, FIMER, VICTRON, JINKO සහ ENERSYS වැනි ලොව පුරා ප්‍රසිද්ධ සන්නාම යටතේ එන නිෂ්පාදන රැසක් සමාගම විසින් අලෙවි කරනු ලබයි. නිවාස, වාණිජ හා කාර්මික ගොඩනැගිලි, උපයෝගිතා සහ මයික්‍රොග්‍රිඩ් වැනි විවිධ ඛාණ්ඩවලට අයත් පුනර්ජනනීය සහ සුනිත්‍ය බලශක්ති සඳහා ගැළපෙන නිෂ්පාදන අලෙවි කරන SLAM Power Solutions පුළුල් පරාසයක විහිදුණු ගනුදෙනුකරුවන් රැසකට සේවා සපයයි.

ඒ අතර Smart Solar Inverters, Solar PV Modules, Hybrid / Off-Grid Inverters සහ Battery / Energy Storage ආශ්‍රිත නිෂ්පාදන ප්‍රධාන තැනක් ගනී. එම සෑම නිෂ්පාදනයක්ම උසස්ම තත්ත්වයට, තාක්ෂණයට සහ කාර්යක්ෂමතාවට අදාළ ප්‍රමිතිවලට අනුකූල වේ. පළපුරුදු ඉංජිනේරුවන්ගෙන් සහ සියලු පහසුකම් සහිත අලුත්වැඩියා මධ්‍යස්ථානයකින් සමන්විත එම සමාගම නිරන්තරයෙන් වෙනස් වන බලශක්ති අවශ්‍යතා සඳහා වඩාත් සුදුසු නිෂ්පාදන සැපයීමට කැප වී සිටී.

Previous articleSDTI Campus ජාතික විශිෂ්ටතා ජනාධිපති සම්මාන දිනයි
Next articleශ්‍රේෂ්ඨාධිකරණය කියනතුරු ජනාධිපතිවරණය පවත්වන්න එපා – ව්‍යවසායකයෙකුගෙන් පෙත්සමක්

LEAVE A REPLY

Please enter your comment!
Please enter your name here