Home Hit පොහොර තහනම “CEYLON TEA” කීර්ති නාමය ලෝකයෙන් අහෝසි කරන කුමන්ත්‍රණයක් (PHOTOS)

පොහොර තහනම “CEYLON TEA” කීර්ති නාමය ලෝකයෙන් අහෝසි කරන කුමන්ත්‍රණයක් (PHOTOS)

69

පොහොර තහනම් කිරීමට ආණ්ඩුව ගත් අන්තනෝමතික තීන්දුව නිසා සිලෝන් ටී කීර්තිනාමය අපේ රටට අහිමි වෙමින් පවතින බවත් අද වන විට තේ අස්වැන්න 50% කින් පහළ බැස ඇති බවත් විපක්ෂ නායක සජිත් ප්‍රේමදාස මහතා මහතා පැවසීය.

මේ හේතුවෙන් තේ කර්මාන්තය බරපතළ කඩාවැටීමකට ලක්ව ඇති බවත් තේ ගොවියගෙ ජීවනෝපාය බිඳ වැටී ඇති බවත්, කර්මාන්ත ශාලා පවත්වාගෙන යාමට අවශ්‍ය තේ දලු ප්‍රමාණයවත් නොලැබෙන තත්ත්වයක් උද්ගත වී ඇති බවත් ඒ මහතා පැවසීය.

ගාල්ල දිස්ත්‍රික්කයේ බද්දේගම ආසනයේ වඳුරඹ මාබොටුවන ප්‍රදේශයේ තේ ගොවීන් මුහුණ දෙන ගැටලු පිළිබඳව විමසන ගොවි හදගැස්ම වැඩසටහනට අද (13) විපක්ෂ නායකතුමා සහභාගි විය.

මෙම අවස්ථාවට හිටපු අමාත්‍ය, පාර්ලිමේන්තු මන්ත්‍රී ගයන්ත කරුණාතිලක, හිටපු අමාත්‍ය පියසේන ගමගේ, හිටපු මන්ත්‍රී වන විජේපාල හෙට්ටිආරච්චි, හිටපු මන්ත්‍රී සහ සමගි ජන බලවේගයේ බද්දේගම ප්‍රධාන සංවිධායක බන්දුල ලාල් බණ්ඩාරිගොඩ ඇතුලු මහජන නියෝජිතයින් රැසක් ම එක්ව සිටියහ.

රසායනික ද්‍රව්‍ය හා පොහොර නොමැතිව මෙරට තේ වගාව කරන්නට බැරිබව කුඩා දරුවෙකු පවා දන්නා කාරණයක් බවත් එහෙත් එය ආණ්ඩුව නොදන්නා බවත් පැවසූ විපක්ෂ නායකතුමා මේ පොහොර තහනම ලංකාවේ සිලෝන් ටී කියන කීර්තිමත් නාමය ලෝකයෙන් අහෝසි කරන්න ගත්ත කුමන්ත්‍රණයක් යැයි ද පැවසීය.

සාමාන්‍යයෙන් තේ තවාන් සඳහා ටී – 65 පොහොර අත්‍යවශ්‍ය අතර තේ තවානට නිසි පෝෂණය නොලබන විට තේ පැලය සහ, එයින් හැදෙන තේ ගස බාල වෙන බවද, ගුණාත්මක පැල ලබා ගැනීමේ හැකියාව අහිමි වන බව ද විපක්ෂ නායකතුමා පැවසීය.

තේ දළු කඩන විට ශාකයේ පෝෂණ කොටසක් ගසට අහිමිවන අතර ගස වර්ධනයට නම් නයිට්‍රජන්, පොස්පරස්, පොටෑසියම් ගසට යෙදිය යුතු බවත් ආණ්ඩුවේ තීන්දුව නිසා තේ ගසට යොදන්නට පොහොර ගොවියාට අහිමි වී ඇති බවත් පැවසීය. මේ හේතුවෙන් කෙටිකාලීන පැල මිස දිගුකාලීන තේ පදුරක් ලබා ගැනීමේ හැකියාව අහිමි වන බවද පැවසීය.

කාබනික පොහොර වලින් පමණක් සාර්ථක වාණිජමය තේ වගාවක් කරන්න බැරි අතර තේ කර්මාන්තය බරපතළ ඛේදවාචකයකට ලක්ව ඇති බවද විපක්ෂ නායකතුමා පැවසීය.

May be an image of 1 person and outdoors
May be an image of 5 people, people standing, outdoors and tree
May be an image of 5 people, people standing, outdoors and tree
May be an image of 1 person, standing and outdoors
May be an image of 5 people, people standing, tree and outdoors
May be an image of 1 person, standing, outdoors and tree
May be an image of 1 person, standing, tree and outdoors
May be an image of 3 people, people standing, tree, crowd and outdoors

LEAVE A REPLY

Please enter your comment!
Please enter your name here