Home Hit ලෝකයේ කොහේ හෝ කළු සල්ලි වාර්තාවක් එළියට එනවානම් ලංකාවේ දේශපාලකයන්ගේ නම් එළියට...

ලෝකයේ කොහේ හෝ කළු සල්ලි වාර්තාවක් එළියට එනවානම් ලංකාවේ දේශපාලකයන්ගේ නම් එළියට එනවා – අනුර

161

ලෝකයේ කොහේ හෝ කළු සල්ලි සම්බන්ධයෙන් වාර්තාවක් එළියට එනවා නම් ලංකාවේ දේශපාලකයන් සහ ඔවුන්ගේ අනුග්‍රහය ලබන අය සම්බන්ධ නම් එළියට එන බවත් “පැන්ඩෝරා වාර්තාව“ද එවැනි එකක් බවත් ජවිපෙ නායක කොළඹ දිස්ත්‍රික් පාර්ලිමේන්තු මන්ත්‍රි අනුර කුමාර දිසානායක පවසනවා.

මේ සම්බන්ධයෙන් ඉක්මනින් ප්‍රකාශයක් කළ යුතුව තිබෙන්නේ රටේ ජනාධිපතිවරයා බවත් ජනාධිපතිවරයා, අගමැතිවරයා හෝ මුදල් ඇමැතිවරයා මේ සම්බන්ධයෙන් කිසිවක් නොකියන බවත් ඒ මහතා කියයි.

දේශප්‍රේමී සළුපිළි පොරවාගෙන සිටින රාජපක්‍ෂ චෞර වළල්ල මුහුදු මංකොල්ලකරුවන් පිරිසක් නැවක් අත්පත් කරගෙන සිටින ආකාරයට රට අත්පත් කරගෙන සිටින බවත් ජවිපෙ කියන දේ ඇසීමට සූදානම් නැති කවුරුන් හෝ සිටිනවා නම් ජාත්‍යන්තර වශයෙන් හෙළිදරව් වන මෙම තොරතුරු ගැන හෝ අවධානය යොමු කරන ලෙස ජනතාවගෙන් ඉල්ලා සිටින බවත් මන්ත්‍රිවරයා අවධාරණය කරයි.

ගෝඨාභය රාජපක්ෂ ජනාධිපතිවරයාගේ, මහින්ද රාජපක්ෂ අගමැතිවරයාගේ, බැසිල් රාජපක්ෂ මුදල් ඇමැතිවරයාගේ ඥාති සොහොයුරියක් මෙන්ම ක්‍රීඩා ඇමැති නාමල් රාජපක්ෂ සහ මාතර දිස්ත්‍රික් සම්බන්ධීකරණ කමිටුවේ සභාපති නිපුණ රණවකගේ ඥාතිවරියක් වන නිරූපමා රාජපක්ෂ ගැන කරුණු හෙළිවී තිබෙන අතර රුපියල් දස ලක්ෂ 35,000ක් විවිධ බැංකු සහ දේපළ තුළ සඟවා තිබෙන බව හෙළිදරව් කර තිබෙන බවත් ඔහු පවසයි.

තවද පාකිස්තානයේ ඉම්රාන් ඛාන් අග්‍රාමාත්‍යවරයාගේ ආර්ථික උපදේශකයකුගේ පුතෙක් ඇතුළු කිහිප දෙනෙක් පිළිබඳවද චෝදනා එල්ල වී තිබෙනවා සේම ඒ පිළිබඳව පුළුල් පරීක්ෂණයක් කර වහාම නීතිය ක්‍රියාත්මක කරන බව ඔහු ප්‍රකාශ කරන තිබෙන බව පැවැසූ දිසානායක මහතා වැඩිදුරටත් සඳහන් කළේ මේ හෙළිදරව්ව සම්බන්ධයෙන් ඉක්මනින් ප්‍රකාශයක් කළ යුතුව තිබෙන්නේ රටේ ජනාධිපතිවරයා වන නමුත් ජනාධිපතිවරයා, අගමැතිවරයා හෝ මුදල් ඇමැතිවරයා මේ සම්බන්ධයෙන් කිසිවක් නොකියන බවයි.

මන්ත්‍රිවරයා මේ බව පැවසුවේ ඊයේ (4දා) පක්ෂ මූලස්ථානයේ පැවැති මාධ්‍ය හමුවේදී මාධ්‍යවේදියකු යොමුකළ ප්‍රශ්නයකට පිළිතුරු දෙමිනි.

LEAVE A REPLY

Please enter your comment!
Please enter your name here