Home Coronavirus 2020 “සිකුරාදා රට වසා නොදැම්මොත්, සඳුදා වෙද්දී බලහත්කාරයෙන් රට LOCKDOWN කරන්න වෙයි”

“සිකුරාදා රට වසා නොදැම්මොත්, සඳුදා වෙද්දී බලහත්කාරයෙන් රට LOCKDOWN කරන්න වෙයි”

207

සිකුරාදා දිනයේ සිට රට වසා දැමීමට ආණ්ඩුව කටයුතු නොකළහොත් සති දෙකක් පුරා වැඩ වර්ජනයක් දියත් කර රට වසා දැමීමට රාජ්‍ය හා පෞද්ගලික අංශයේ වෘත්තීය සමිති තීරණය කර තිබේ.

ඒ අනුව 23දා සිට දින දහයක් රට තුළ වැඩ වර්ජන ක්‍රියාමාර්ගයක් ආරම්භ කරන බව රාජ්‍ය, අර්ධ රාජ්‍ය හා පෞද්ගලික අංශයේ වෘත්තීය සමිති හා සිවිල් සංවිධාන ඒකාබද්ධ සන්ධානය කියා සිටී.

සංධානයේ කැඳවුම්කරු රවි කුමුදේශ් මහතා සඳහා පවසන්නේ රට දින 10 කට වසා දැමීම සඳහා මෙම වෘත්තිය ක්‍රියාමාර්ගය ආරම්භ කරන බවයි.

සිකුරාදා වන විට රට වසා දැමීමට ආණ්ඩුව කටයුතු කළ යුතු බවත් එසේ නොකළහොත් 23 වනදා වන විට දින 10ට අවශ්‍ය භාණ්ඩ රැස්කරගෙන නිවස් වලට වී සිටින ජනතාවට දැනුම් දෙන බවද ඔහු පැවසීය.

යම් ආකාරයකින් විද්‍යාත්මක ලොක් ඩවුන් කිරීමක් සිදුවුවහොත් ලක්ෂයක පමණ පිරිසකට පීසීආර් හෝ ඇන්ටිජන් පරීක්ෂණ සිදුකර වසංගතය පාලනය කිරීමේ සාර්ථක සැලැස්මක් තම සංගමය සතුව පවතින බවද රවී කුමුදේශ් මහතා අවධාරණය කලා

LEAVE A REPLY

Please enter your comment!
Please enter your name here