Home Hit ‘මේ රටේ ප්‍රසිද්ධ පවුලක, හොඳ උගත් නායකයෙක් ඉදිරියේදී අපි එළිදක්වනවා’ – වෙල්ගම

‘මේ රටේ ප්‍රසිද්ධ පවුලක, හොඳ උගත් නායකයෙක් ඉදිරියේදී අපි එළිදක්වනවා’ – වෙල්ගම

771

පාර්ලිමේන්තු මන්ත්‍රී කුමාර වෙල්ගම මහතා නායකත්වය දරන නව ලංකා නිදහස් පක්ෂය සහ තවත් දේශපාලන පක්ෂ කිහිපයක් අතර සාකච්ඡාවක් පවත්වා තිබේ.

“අපි ශ්‍රී ලංකා“ නමින් සංවිධානයක් ගොඩනගා ගනිමින් අදාළ සාකච්ඡාව අද පස්වරුවේ නාවල කොස්වත්ත ප්‍රදේශයේ පිහිටි උත්සව ශාලාවකදී පැවති බව වාර්තා විය.

එක්සත් වාමාංශික පෙරමුණ, ලංකා ජනතා පක්ෂය, ප්‍රගතිශීලි ජාතික සේවක පක්ෂය, ජාතික ජනතා පක්ෂය, ජාතික ජනතා ව්‍යාපාරය, එක්සත් සමාජවාදී පක්ෂය සහ ශ්‍රී ලංකා සමාජවාදී පෙරමුණ යන දේශපාලන පක්ෂ ඒකාබද්ධව මෙම සංවිධානය ගොඩ නගාගෙන තිබේ.

අදාළ සාකච්ඡාවෙන් අනතුරුව මාධ්‍ය වෙත අදහස් දැක්වූ කුමාර වෙල්ගම මහතා කියා සිටියේ ඉදිරියේදී මෙරට ප්‍රසිද්ධ පවුල් වල පුද්ගලයින් නායකත්වයට එම පක්ෂය හරහා පැමිණෙන බවයි.

දැනට එම නම් ප්‍රසිද්ධ නොකරන බවත් ඉදිරියේදී ඒවා දැනගත හැකි බවත් ඒ මහතා සඳහන් කළේය.

LEAVE A REPLY

Please enter your comment!
Please enter your name here