Home Coronavirus 2020 බ්‍රිතාන්‍ය ප්‍රභේදය රටට කාන්දු වුණේ යුක්‍රේන ඇතුළු සංචාරක බුබුළු හරහායි

බ්‍රිතාන්‍ය ප්‍රභේදය රටට කාන්දු වුණේ යුක්‍රේන ඇතුළු සංචාරක බුබුළු හරහායි

1312
0

බ්‍රිතාන්‍ය කොවිඩ් ප්‍රභේදය රටට කාන්දු වූයේ පසුගිය කාලයේ සංචාරක බුබුළු ක්‍රමවේදය යැයි පවසමින් මෙරටට ගෙන්වූ යුක්‍රේන සහ වෙනත් රටවල සංචාරකයින් හරහා යැයි පැහැදිලිවම කිවහැකි බවත් එය එසේ නොවන්නේ නම් මෙම ප්‍රභේදය රටට කාන්දු වූ ආකාරය රජය විසින් හෙළි කළ යුතු බවත් වෛද්‍ය රසායනාගාර තාක්ෂණවේදීන්ගේ සංගමයේ සභාපති රවී කුමුදේශ් මහතා පවසයි.

රවී කුමුදේශ් මහතා මේ බව පැවසුවේ ඊයේ (08) පැවති මාධ්‍ය හමුවක් අමතමිනි.

“ප්‍රභේදයක් රටට ආවාම ඒ ප්‍රභේදය කොහෙන්ද රටට ආවෙ, කාන්දු වුණේ කියලා හොයාගන්න ලංකාවෙ තියෙන තාක්ෂණය ලංකාවෙ තියෙන රසායනාගාර පහසුකම්, දැනුම, සෞඛ්‍ය යාන්ත්‍රණය, ඒ වෙනුවෙන් රටේ මිනිස්සු ගෙවන බදු මුදල ඉතාම ප්‍රමාණවත්. ඒක කියන්නැත්තෙ අපි කියන දුර්වලතා පිළිබඳව ගණන් ගන්නෙ නැති නිසා, උද්දච්ඡ ස්වභාවයෙන් මේවා කරන්නට උත්සාහ කරන නිසා. ඒවා කරලා ඉවරවෙලා ඒවා අමතක කරන නිසා.

එනිසා අපි දැන් නැවත මතක් කරනවා. ඔන්න ශ්‍රී ජයවර්ධනපුර විශ්වවිද්‍යාලය අද වාර්තා කරලා තියෙනවා ඉන්දියානු ප්‍රභේදය ලංකාවට ඇවිල්ලා කියලා. හැබැයි අපි නැවත නැවත කියනවා ඉන්දියානු ප්‍රභේදය ලංකාවට ඇවිල්ලා කියලා අද වාර්තා කළාට මේක ආවෙ අද කියලා කියන්න කාටවත් බෑ. මොකද අපි දිගින් දිගටම කිව්වා ඉන්දියානුවන් ලංකාවට ගෙන්නනකොට අවදානය යොමුකරන්න, ඒ සම්බන්ධයෙන් තියෙන යාන්ත්‍රණය බලන්න කියලා. ඊටපස්සෙ ඉන්දියාව අතිශය අවදානම් කලාපයක් වෙනකොට අපි කිව්වා ඉන්දියානුවන් ලංකාවට ගෙන්නන එක නවත්තන්න, අඩුම ගාණෙ ඉන්දියානුවන් ලංකාවට ගෙන්වනකොට මේ ගෙන්වන අයගේ PCR පරීක්ෂණ ටික වගකීමෙන් කරන්න රජයේ රෝහල්වල කරන්න, ප්‍රභේද පිළිබඳ අනුමාන කරන්න පුළුවන් ප්‍රතික්‍රියක යොදවලා කරන්න කියලා.

මේ එකක්වත් සත පහකට ගණන් ගත්තෙ නෑ. අර මොනවද බුබුළු හරහා ගෙන්නලා නිරෝධායනය කරනවා කියලා එක පාරක් යුක්‍රේනයේ සහ විවිධ රටවල කණ්ඩායම් ගෙනාවා නිරෝධායනය කරන්න. ඒක හොරෙන් කළේ. ඒ හොරෙන් කරපු එකේ ප්‍රතිඵලයක් හැටියට එක්සත් රාජධානියේ ප්‍රභේදය රටේ පැතිරුණා කියලා අපට පැහැදිලිවම කියන්න පුළුවන්. අපි කියනවා මේක ගැන හොයලා බලන්න. කොන්ද කාන්දු වුණේ ? ඒක කියනකල් අපට සැක කරන්න වෙනවා මේක තමයි ක්‍රමවේදය කියලා.

දෙවැනියට වෙළඳ දැන්වීම් දාලා ඉන්දියානුවන්ට කොරන්ටයින් වෙන්න මෙහෙ එන්න කියලා ගෙන්නාගත්තා ඉන්දියානුවො. ගෙන්නලා අපි කොච්චර කිව්වත් ඒක සම්බන්ධයෙන් සැලකිලිමත් වුණේ නෑ. ඒකෙ ප්‍රතිඵලයක් විදියට ඔන්න රටට ඉන්දියානු ප්‍රභේදය ඇවිල්ලා තියෙනවා. විශේෂයෙන් සැලකිලිමත් වියයුතු ප්‍රභේද 4යි තියෙන්නෙ. ඒ හතරෙන් තුනක් දැන් ලංකාවෙ තියෙනවා. නැත්තෙ බ්‍රසීල ප්‍රභේදය විතරයි. හෙට අනිද්දාට ඒ ප්‍රභේදය ගෙන්නාගන්නත් පුළුවන් නම් බුබුළක් හදලා වැඩපිළිවෙලක් යොදයි. මොකද අපි කියන එක නෙවෙයි, ඊට විරුද්ධ එක කරන නිසා” යැයි ඒ මහතා පවසයි

LEAVE A REPLY

Please enter your comment!
Please enter your name here