Home Entertainment කැරොලයින් ජූරි සහ චුලා පද්මේන්ද්‍ර ශරීර ඇප මත නිදහස්

කැරොලයින් ජූරි සහ චුලා පද්මේන්ද්‍ර ශරීර ඇප මත නිදහස්

537

අධිකරණයට ඉදිරිපත් වූ ලෝක විවාහක රූ රැජින කැරොලයින් ජූරි සහ චූලා පත්මේන්ද්‍රන් ඇපමත මුදා හැර තිබෙනවා.

කොළඹ ප්‍රධාන මහේස්ත්‍රාත් අධිකරණය නියෝග කර ඇත්තේ රුපියල් ලක්ෂයක ශරීර ඇපමත ඔවුන් දෙදෙනා මුදා හැරීමටයි.

2020 ශ්‍රී ලංකා විවාහක රූ රැජින තේරීමේ තරගය නෙළුම් පොකුණ රඟහලේ දී පසුගියදා පැවැත්වුණු අතර එහි ජයග්‍රාහී කිරුළ හිමිවූයේ පුෂ්පිකා ද සිල්වාටය.

ඇයට කිරුළ පැලඳවූයේ ලෝක විවාහක රූ රැජින ලෙස පසුගිය වසරේ තේරී පත් වූ කැරොලයින් ජූරි විසිනි.

නමුත් ජයග්‍රහණයේ උණුසුම අතරේම කැරලොයින් ජූරි ප්‍රකාශයක් කරමින් සඳහන් කළේ, කිරුළ හිමි වූ පුෂ්පිකා ද සිල්වා දික්කසාද වූ තැනැත්තියක් වන බැවින් කිරුළ හිමිවන්නේ දෙවන ස්ථානය හිමිවූ තරඟකාරියට බවය.

ඒ අනුව කැරොලයින්, පුෂ්පිකාට පැලඳවූ ජයග්‍රාහී කිරුළ ඇගෙන් ඉවත්කර තරගයේ දෙවන ස්ථානය දිනාගත් ආශියා බස්නායකට පැලඳවිය.

මේ අතර ඉකුත් 6 වනදා කොළඹ දී මාධ්‍ය හමුවකට එක්වෙමින් 2020 ශ්‍රී ලංකා විවාහක රූ රැජින කිරුළ හිමි පුෂ්පිකා ද සිල්වා මහත්මිය පැවසුවේ තමා දික්කසාද වී නොමැති බවය.

එම සිදුවීමෙන් අනතුරුව පුෂ්පිකා ද සිල්වා මහත්මිය පොලීසියට පැමිණිල්ලක් ඉදිරිපත්කර තිබූ අතර ඒ සම්බන්ධයෙන් ප්‍රකාශයක් ලබාගැනීම සඳහා පසුගිය 6 වනදා කැරොලයින්ව කුරුඳුවත්ත පොලීසියට කැඳවා තිබුණි.

මේ අතර එම විවාහක රූ රැජින තරගයේ සංවිධායකයින් පැවසුවේ ජයග්‍රාහි කිරුළ නැවතත් පුෂ්පිකා ද සිල්වා මහත්මියට ලබාදීමට කටයුතු කළ අතර එහිදී සාපරාධී බලහත්කාරය පෑම, සාපරාධි බියගැන්වීම හා සුළු තුවාල සිදුකිරීම යන චෝදනාවලට අදාළව කැරොලින් ජූරි සහ චූලා පද්මේන්ද්‍ර එලෙස අත්අඩංගුවට ගෙන පොලිස් අප මත ඔවුන් මුදා හැර තිබුණි.

LEAVE A REPLY

Please enter your comment!
Please enter your name here