Home Hit Online අධ්‍යාපනයෙන් ළමුන්ට මානසික ගැටලු රැසක්

Online අධ්‍යාපනයෙන් ළමුන්ට මානසික ගැටලු රැසක්

347

දුරස්ථ අධ්‍යාපනය වැරදි ලෙස භාවිත කර එයට ඇබ්බැහි වූ දරුවන් මානසික ගැටලුවලට ගොදුරු වන්නේ කැස්ස සෙම්ප්‍රතිශ්‍යාව වැනි වයිරස රෝගයන්ට ගොදුරු වන්නාක් මෙන් යැයිද එය ඉතා බරපතළ තත්ත්වයක් යැයි ළමා රෝග විශේෂඥ වෛද්‍ය දීපාල් පෙරේරා සඳහන් කරයි.

මේ වන විට දරුවන් සිය ගණනක් තමා වෙත ප්‍රතිකාර සඳහා යොමුකර ඇති බවත් මෙවැනි තත්ත්වන් අනෙකුත් ළමා රෝග විශේෂඥ වෛද්‍යවරුන්ට වාර්තා වී ඇති අතර මෙය දිනෙන් දින වැඩි වර්ධනය වන සමාජ ගැටලුවක් බවට පත්වෙමින් තිබෙන බව විශේෂඥ වෛද්‍යවරයා පෙන්වා දේ.

බලාගත් අත බලා සිටීම, නිතර උදරයේ ඇතිවන වේදනාව, හිසේ කැක්කුම, නිතරම මුත්‍ර පිටවීම හා මල පිටවීම වැනි ලක්ෂණයන් සහිත දරුවන් විශාල සංඛ්‍යාවක් ප්‍රතිකාර සඳහා ළමා රෝහල වෙත පැමිණෙන බවත් මෙම දරුවන් පරීක්ෂා කිරීමේදී කිසිදු රෝගයක් නොමැති බව හෙළිවන්නේ යැයිද මෙය කිසියම් මානසික ගැටලුවක ලක්ෂණයක් බවත් වෛද්‍ය දීපාල් සඳහන් කරයි.

පාසල් නොමැතිව දිගුකාලයක් නිවෙස් තුළ සිටීම හා දුරස්ථ අධ්‍යාපනය සඳහා ජංගම දුරකථනයට යොමු වීම හේතුවෙන් දරුවන් ක්‍රමයෙන් මේ වන විට ජංගම දුරකථනයට ඇබ්බැහි වී ඇතැයිද ඔවුන් එයින් ගලවා ගැනීමට නොහැකි තත්ත්වයක් උදා වී ඇතැයිද දෙමාපියන් සඳහන් කරන බව විශේෂඥවරයා පැවසුවේය.

මෙහිදී ඉතා භයානක තත්ත්වය වන්නේ ඇතැම් දරුවන් දෙමාපියන් නින්දට ගිය පසුව හා දෙමාපියන් නිවසේ නැති අතර අන්තර්ජාලයේ අසභ්‍ය වීඩියෝ නැරඹීමට පුරුදු වී සිටීමත් මින් සමහර දරුවන් එළිවෙනතුරු එවැනි අසභ්‍ය වීඩියෝ පට නැරඹීමට පෙළඹී ඇති බවත් කරන ලද සොයා බැලීම්වලදී හෙළිව ඇතැයි ඔහු සඳහන් කළේය.

LEAVE A REPLY

Please enter your comment!
Please enter your name here