Home Hit දේශපාලන වාසි ගන්න රජය විසින් වැරදිකරුවන් ශුද්ධවන්තයින් කිරීම වැරදියි – කාදිනල් හිමි...

දේශපාලන වාසි ගන්න රජය විසින් වැරදිකරුවන් ශුද්ධවන්තයින් කිරීම වැරදියි – කාදිනල් හිමි කටුවාපිටියේදී කියයි.

414

‘කළු ඉරිදා විරෝධතාවයට’ සහභාගී වූ සියළුම කතෝලික ජනතාවට ස්තූතිවන්ත වන බව අගරදගුරු මැල්කම් කාදිනල් රංජිත් හිමිපාණන් පවසනවා.

ඒ, අප්‍රේල් 21 ප්‍රහාරයේ වින්දිතයින්ට සාධාරණයක් ඉටු කරන්නැයි ඉල්ලා අද (07) දින දිවයින පුරා සිදු කරන විශේෂ දේව මෙහෙයන්ට සමගාමීව කටුවාපිටිය දේවස්ථානයේ පැවති දේව මෙහෙයට සහභාගී වෙමින්.

සාධාරණයක් ඉල්ලමින් අද දින කළු ඇඳුමින් සැරසී දේවස්ථානවලට පැමිණි කතෝලික ජනතාවටද, එම දේව මෙහෙයන්ට සහභාගී වූ සංඝයා වහන්සේලාටද, නිවැරදිව ආගමික ප්‍රතිපත්ති වල පිහිටා කටයුතු කරන අවංක මුස්ලිම් ජනතාවටද ස්තූතිවන්ත වන බවයි උන්වහන්සේ පවසන්නේ.

වෛරය සහ ආගමික ඝට්ටනයට තමන් සහය නොදෙන බවත් ජනතාව බෙදීමට ලක් කරන්නේ ආගම් නොවන බවත් එසේ බෙදන්නේ පාපිෂ්ඨ කම නිසා බවත් උන් වහන්සේ පවසනවා.

ජනාධිපති කොමිසම මගින් නිර්දේශිත සියළුම නිර්දේශයන් ක්‍රියාත්මක කළ යුතු බවත් තෝරා බේරාගත් නිර්දේශ ක්‍රියාත්මක කිරීමක් සිදු නොවිය යුතු බවත් උන්වහන්සේ පවසනවා.

අදාල පාර්ශවයන් විසින් නීතිය ඉදිරියේ සිය නිර්දෝශී බව ඉදිරිපත් කළ යුතු බවයි උන්වහන්සේ අවධාරණය කරන්නේ.

එමෙන්ම වැඩිදුරටත් විමර්ශනය කළ යුතු බවට නිර්දේශ කර ඇති කරුණු පිළිබඳව අදාල ආයතන මගින් විමර්ශනයන් සිදු කෙරෙනු ඇති බවත් දේශපාලන වාසි තකා යම් යම් කරුණු වසන් නොකරනු ඇති බවටත් විශ්වාස කරන බවත් උන්වහන්සේ පවසා සිටියා.

කතෝලික සභාව අද දිනය ‘කළු ඉරිදාවක්’ ලෙස නම් කර තිබේ. ඒ, අප්‍රේල් 21 ප්‍රහාරයේ වින්දිතයින්ට සාධාරණයක් ඉටු කරන්නැයි බලකරමින්.

දිවයිනේ සියලු කතෝලික දේවස්ථානවල අද පැවැත්වෙන දේව මෙහෙයන් සදහා කළු පැහැති ඇඳුමින් සැරසී පැමිණෙන ලෙස කතෝලික අගරදගුරු පදවිය කිතුණු ජනතාව දැනුවත් කරනු ලැබුවා.

https://fb.watch/44bzxk2wUA/

LEAVE A REPLY

Please enter your comment!
Please enter your name here