Home Hit කණ්ඩායමේ නායකයටත් වීසා ගන්න බෑ, මෙහෙමද ක්‍රිකට් හදන්නෙ?

කණ්ඩායමේ නායකයටත් වීසා ගන්න බෑ, මෙහෙමද ක්‍රිකට් හදන්නෙ?

296

ජාතික කණ්ඩායමේ ක්‍රීඩකයන් සංචාරයක් සඳහා පිටත්ව යාමට පෙර ඒ සඳහා අවශ්‍ය ලිපි ලේඛන සකස් කර ගැනීමට නොහැකි වන තරමට මෙරට ක්‍රිකට් ක්‍රීඩාව කඩා වැටී ඇති බව සමගි ජන බලවේගයේ පාර්ලිමේන්තු මන්ත්‍රී එස්.එම්. මරික්කාර් මහතා පවසනවා.

20/20 කණ්ඩායමේ නායක දසුන් ශානකට කොදෙව් සංචාරය අහිමි වී ඇති බවත් පෙන්වා දෙන මරික්කාර් මහතා, කණ්ඩායමේ නායකයාට තරගාවලියට සහභාගි වීමට අවස්ථාව හිමි නොවීම මත තරගාවලිය පරාජයට පත් වුවහොත් එහි වගකීම බාර ගන්නේ කවුදැයි විමසා සිටී.

මෙහි වගකීම සම්පූර්ණයෙන්ම කණ්ඩායමේ කළමනාකරු ලෙස කටයුතු කරන, ක්‍රීඩා ඇමති නාමල් රාජපක්ෂ මහතාගේ මාමන්ඩිය විසින් භාරගත යුතු බවයි මන්ත්‍රීවරයා පවසන්නේ. ක්‍රීඩකයන්ගේ අවශ්‍යතා සම්පූර්ණ නොකර ඔවුන්ට තරගාවලිය සඳහා සහභාගිවීමට අනුමැතිය ලබාදුන් ක්‍රීඩා අමාත්‍යවරයාටද වගකීමෙන් මිදිය නොහැකි බව මරික්කාර් මහතා පවසනවා.

රට වෙනුවෙන් ක්‍රීඩකයෙකු ලෙස දැවැන්ත සේවයක් ඉටුකළ චමින්ද වාස් මහතාට ඩොලර් 200 ක දීමනාවක් ලබා දීමට නොහැකි ක්‍රිකට් ආයතනය ඩොලර් 30,000 ක වැටුපකට ටොම් මූඩි මහතා ක්‍රිකට් අධ්‍යක්ෂවරයා ලෙස බඳවාගෙන ඇති බවත්, ඒ සඳහා ඔහු සේවය කළ යුත්තේ වසරකට දින 100 ක කාලයක් පමණක් බවත් එස්.එම්. මරික්කාර් මහතා පෙන්වා දෙනවා.

LEAVE A REPLY

Please enter your comment!
Please enter your name here