Home Hit එන්නත්කරණය වේගවත් නිසා කොරෝනා මරණ භූමදානය ප්‍රශ්නයක් නෑ

එන්නත්කරණය වේගවත් නිසා කොරෝනා මරණ භූමදානය ප්‍රශ්නයක් නෑ

454

කොවිඩ් 19 වෛරසය හේතුවෙන් මරණයට පත්වන පුද්ගලයන්ගේ මළසිරුරු භූමදානය කිරීමට අවසර ලබා දී ඇත්තේ කිසිදු පාර්ශ්වයක හෝ විදෙස් රටක හෝ බලපෑමක් නිසා නොවන බව රාජ්‍ය අමාත්‍ය දිලුම් අමුණුගම මහතා පවසනවා.

පකිස්තානු අගමැති ඉම්රාන් ඛාන් මහතාගේ ශ්‍රී ලංකා සංචාරයෙන් පසුව කොවිඩ් මරණ භූමදානයට අවසර දීම සිදු වූයේ එවැනි බලපෑමක් නිසා බවට ගෙනයන ප්‍රචාර සම්පූර්ණයෙන් අසත්‍ය බවයි ඔහු පවසන්නේ.

භූමදානය සඳහා අවසර ලබා දුන්නේ එන්නත්කරණය ආරම්භ කර ඇති නිසා බවත්, එන්නත්කරණය වේගවත්ව සිදුවන බැවින් කොවිඩ් මරණ භූමදානය කිරීමෙන් කිසිදු අවදානමක් නොමැති බව අමුණුගම මහතා පවසනවා.

භූමදානය සඳහා අවසර ලබාදිය හැකිද යන්න සම්බන්ධයෙන් සොයා බැලීම සඳහා පත්කළ කමිටුව විසින් නිර්දේශ ලබා දී ඇත්තේද එන්නත්කරණ වැඩපිළිවෙල ක්‍රියාත්මක වීමෙන් පසු කොවිඩ් මළසිරුරු භූමදානය කිරීමේ අවදානමක් නොමැත යන පදනම මත බවද ඔහු පෙන්වා දෙනවා.

LEAVE A REPLY

Please enter your comment!
Please enter your name here