Home Hit හමුදා වෙස්ගෙන රැගෙන ගිය කිලෝ 45ක හෙරොයින් තොගයක් මාට්ටු

හමුදා වෙස්ගෙන රැගෙන ගිය කිලෝ 45ක හෙරොයින් තොගයක් මාට්ටු

289

යුද හමුදා රථයක් බවට හැඟවෙන ආකාරයෙන් සකස්කරන ලද වෑන් රථයක තිබී හොරෙයින් කිලෝ 45යි ග්‍රෑම් 376ක ප්‍රමාණයක් අද (25) උදෑසන සොයාගෙන ඇත.

අදාළ වෑන් රථය යුද හමුදා රථයක් බවට හැඟවෙන පරිදි අංකයක් ද ප්‍රදර්ශනය කර තිබූ අතර එහි රියදුරු ලෙස ගමන් කළ පුද්ගලයාත් යුද හමුදා නිල ඇඳුමකින් සැරසී සිටි අතර ඔහු යුද හමුදාවේ සේවය කරන සෙබෙළෙකු බවට හඳුනාගෙන තිබෙන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා සඳහන් කරයි.

වෑන් රථයේ සිටි තවත් පුද්ගලයෙකු ද අත්අඩංගුවට ගෙන ඇති අතර ඔහු යුද හමුදාවෙන් පළාගිය නිලධාරියෙකු බවට අනාවරණය වී ඇත.

මාස 2ක පමණ කාලයක් තුළ අත්අඩංගුවට ගත් මහ පරිමාණයේ 4වන මත්ද්‍රව්‍ය තොගය මෙය බවට සැලකෙන බව පොලිස් මාධ්‍ය ප්‍රකාශකවරයා වැඩිදුරටත් සඳහන් කරයි.

පානදුර මධ්‍යම දූෂණ මර්දන කොට්ඨාසය සහ පොලිස් මත්ද්‍රව්‍ය නාශක කාර්යාංශය සිද්ධිය සම්බන්ධයෙන් වැඩිදුර පරීක්ෂණ සිදුකරයි.

ඒ අනුව පොලිස් මත්ද්‍රව්‍ය නාශක කාර්යාංශය මගින් ක්‍රියාත්මක කරන විමර්ශනයට අමතරව අදාළ සෙබළාට එරෙහිව යුද හමුදා නීතිය යටතේද පියවර ගැනීම සිදුවේ.

LEAVE A REPLY

Please enter your comment!
Please enter your name here