Home Coronavirus 2020 ජීවන් තොණ්ඩමන් සහ අමාත්‍ය සී. බී. රත්නායක නිරෝධායනයට

ජීවන් තොණ්ඩමන් සහ අමාත්‍ය සී. බී. රත්නායක නිරෝධායනයට

451

වනජීවී හා වන සංරක්ෂණ අමාත්‍ය සී.බී. රත්නායක මහතා සහ වතු යටිතල පහසුකම් සහ ප්‍රජා සවිබල ගැන්වීමේ රාජ්‍ය අමාත්‍ය ජීවන් තොණ්ඩමන් මහතා ඔවුන්ගේ නිවෙස්වල ස්වයං නිරෝධායනයට යොමු කර තිබෙන බව ‘මව්බිම‘ පුවත්පත වාර්තා කරනවා.

කොරෝනා වෛරසය අසාදනය වී ඇතැයි පසුගිය දා හඳුනාගත් ආගරපතන ප්‍රාදේශීය සභාවේ සභාපති කදිර් සෙල්වම් මහතාගේ සමීපතම ආශ්‍රිතයෙකු වීම හේතුවෙන් ජීවන් තොණ්ඩමන් මහතා ඇතුළු පිරිසක් ස්වයං නිරෝධායනයට යොමු කළ බව නියෝජ්‍ය සෞඛ්‍ය සේවා අධ්‍යක්ෂවරයා ප්‍රකාශ කළ බව එම පුවත්පත වාර්තා කර සිටිනවා.

ජීවන් තොණ්ඩමන් මහතා මෙම මස 17,18, 19 තෙදින තුළ ම කදිර් සෙල්වම් මහතාගේ ළඟ ම ආශ්‍රිතයෙකු ලෙස සමීපව කටයුතු කර ඇති අතර ඉදිරි දිනකදී තොණ්ඩමන් අමාත්‍යවරයා පී.සී.ආර්. පරීක්ෂණයකට භාජනය කිරීමට ද නියමිත වේ.

මේ අතර, අමාත්‍ය සී. බී. රත්නායක මහතා ද කදීර් සෙල්වම් මහතාගේ අශ්‍රිතයෙකු බැවින් සිය නිවස තුළ ම ස්වයං නිරෝධායනයට යොමු කර ඇති බව ඔහුගේ පුද්ගලික ලේකම්වරයා සඳහන් කර ඇත.

LEAVE A REPLY

Please enter your comment!
Please enter your name here