Home Hit කාන්තන්කුඩි පොලීසියට අනුයුක්ත පොලිස් නිලධාරියෙක් ඝාතනය කෙරේ

කාන්තන්කුඩි පොලීසියට අනුයුක්ත පොලිස් නිලධාරියෙක් ඝාතනය කෙරේ

417

කාන්තන්කුඩි පොලීසියට අනුයුක්තව සේවය කළ පොලිස් කොස්තාපල්වරයෙක් ඝාතනයට ලක්ව තිබේ.

ඊයේ (09) රාත්‍රී අක්කරපත්තු පොලිස් වසමේ, පාලමුනේ ප්‍රදේශයේ දී ඇති වු සිද්ධියක දී පොලිස් කොස්තාපල්වරයා මෙලෙස ඝාතනයට ලක්ව ඇතැයි පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.

ඝාතනයට ලක්ව ඇත්තේ 35 හැවිරිදි පොලිස් නිලධාරියෙක් වන බවත් ඔහු රාජකාරිය නිමකර ඇති අවස්ථාවක මෙලෙස ඝාතනයට ලක්ව ඇති බවත් පොලිස් මාධ්‍ය ප්‍රකාශකවරයා සඳහන් කළේය.

“ඔහුව ඝාතනයට ලක්කර ඇත්තේ ඔහුගේම ඥාතියෙක් විසින් බව වාර්තා වනවා. ඒ වගේම එම පුද්ගලයා 21 හැවිරිදි තරුණයෙක් වන අතර, අක්කරපත්තුව පොලීසිය විසින් එම සැකකරු අත්අඩංගුවට ගෙන තිබෙනවා. මේ සම්බන්ධයෙන් අක්කරපත්තුව පොලීසිය වැඩිදුර පරීක්ෂණ පවත්වනවා.“

අද (10) දිනයේ දී ඝාතනය සම්බන්ධයෙන් මහෙස්ත්‍රාත් පරීක්ෂණය හා මරණ පරීක්ෂණය සිදුකිරීමට නියමිතය.

LEAVE A REPLY

Please enter your comment!
Please enter your name here