Home Hit දූෂණය ඉවසන්න එපා – ජනාධිපති ජනතාවගෙන් ඉල්ලයි.!

දූෂණය ඉවසන්න එපා – ජනාධිපති ජනතාවගෙන් ඉල්ලයි.!

863

දූෂණය පරාජය කිරීමට ඇති හොඳම ආයුධය රටවැසියා එය නොඉවසීම බව ජනාධිපති ගෝඨාභය රාජපක්ෂ මහතා පවසයි.

ජනාධිපතිතුමා පැවසුවේ, දූෂණයට එරෙහි සටනේදී රටවැසියා බලගැන්වීමට සෞභාග්‍යයේ දැක්ම ප්‍රතිපත්ති ප්‍රකාශයෙන් ඉහළ අවධානයක් යොමු කළේ එබැවින් වන බවයි.

නාස්තිය හා දූෂණය පිටුදැකීම තම ආණ්ඩුවේ ප්‍රධාන වගකීමක් ලෙස සලකන බව ජනාධිපතිතුමා සඳහන් කළේ ය.

ජනාධිපති ගෝඨාභය රාජපක්ෂ මහතා ඒ බව පැවසුවේ, අදට යෙදී ඇති අන්තර් ජාතික දූෂණ විරෝධි දිනය වෙනුවෙන් පණිවුඩයක් නිකුත් කරමින් ය.

සුපැහැදිලි බහුතරයක් සහිතව තම ජයග්‍රහණය සහතික කිරීමෙන් ශ්‍රී ලංකාවේ ජනතාව දූෂණයෙන් තොර කාර්යක්ෂම දේශයක් ගොඩනැගීමට සිය සහය සහ අභිලාශය පලකර ඇති බව ද ජනාධිපතිතුමා සඳහන් කළේ ය.

ජනාධිපතිතුමා පැවසුවේ , රජයේ පරිපාලන යාන්ත්‍රණයේ පුළුල් සහභාගී සහ සක්‍රීය කාර්යභාරයක් ඉටුකරන ලෙස රජයේ සේවාවන් කාර්යක්ෂමව ලබා ගැනීමට ඔබට ඇති අයිතිය ගැන වඩාත් දැනුවත් වන ලෙස හා කුමන ආකාරයක හෝ අල්ලස් ඉල්ලීම්වලට එරෙහිවන ලෙස ජනතාවට තමන් ආරාධනා කරන බවයි.

No description available.

LEAVE A REPLY

Please enter your comment!
Please enter your name here