Home Coronavirus 2020 බගවන්තලාවේ මාස 4ක බිළිඳියකට කොවිඩ්

බගවන්තලාවේ මාස 4ක බිළිඳියකට කොවිඩ්

306

බගවන්තලාව සෞඛ්‍යය වෛද්‍යය නිලධාරි කාර්යාලය යටතේ පාලනය වන බගවන්තලාව ආරියපුර ගම්මානයේ පදිංචි පාසල් ගුරුවරියකුට, ඇයගේ සිව්මස් බිළිඳියට සහ පස් හැවිරිදි දියණියට කොවිඩ් 19 වෛරසය අසාදනය වී ඇති බව සිදු කරන ලද පී.සී.ආර්. පරික්ෂණ වාර්තා අනුව අද (06දා) දින තහවුරු වු බව බගවන්තලාව සෞඛ්‍ය වෛද්‍ය නිලධාරි කාර්යාලයේ මහජන සෞඛ්‍ය පරික්ෂකවරුන් පවසන ලදි.

අසාදිත ගුරුවරිය දරු ප්‍රසුත නිවාඩුවෙන් පසු ඉකුත් 28 සහ 30 යන දෙදින ඇය සේවය කරන නොර්වුඩ් දමිළ මහ විද්‍යාලයට ගොස් එම පාසලේ පන්ති කිහිපයක ඉගැන්විම් කටයුතු සිදු කළ බවටද මහජන සෞඛ්‍යය පරික්ෂකවරුන් විසින් මේ වන විට අනාවරණය කරගෙන ඇත.

හැටන් කලාප අධ්‍යාපන කාර්යයාලය යටතේ පාලනය වන නොර්වුඩ් දමිල මහ විද්‍යාලයේ සිසු සිසුවියන් 1500 ක් පමණ අධ්‍යාපනය ලබන අතර , එහි අචාර්යය මණ්ඩලය 70 දෙනෙකුගෙන් සමන්විතය.

දරු ප්‍රසුතියෙන් පසු පාසලට ගිය අසාදිත ගුරුවරියට අමතර කාලසටහනක් විදුහල්පතිවරයා විසින් ලබා දි ඇති බවද තහවුරු වි ඇත.

අසාදිත ගුරුවරිය නොර්වුඩ් දමිල මහ විද්‍යාලයට සේවය සදහා දින දෙකක් වාර්තා කිරිම හේතුවෙන් එම විද්‍යාලය (07) දින සිට තාවකාලිකව වසා දමා එම අසාදිත ගුරුවරියගේ ළගම ආශ්‍රිතයන් පි.සි.ආර් පරික්ෂණයක යොමු කරන බව මස්කෙලිය සෞඛ්‍යය වෛද්‍යය නිලධාරි වෛද්‍යය ඩි .චන්ද්‍රරාජන් මහතා පවසයි.

අසාදිත ගුරුවරිය ඇයගේ මව පදිංචි ඩයගම ප්‍රදේශයේ නිවසට ගොස් ඇති අතර, මවගෙන් ගුරුවරියට කොවිඩ් 19 වෛරසය අසාදනය වි ඇති බවට තහවුරු වි ඇත.

කොවිඩ් 19 වෛරසය අසාදනය වු ගුරුවරිය සහ දරුවන් දෙදෙනා නිරෝධායන මධ්‍යස්ථානයක් කරා යොමු කිරිමට පියවර ගන්නා බව මහජන සෞඛ්‍යය පරික්ෂකවරුන් පවසයි

LEAVE A REPLY

Please enter your comment!
Please enter your name here