Home Hit පළාත් සභා ඡන්දය ලබන වසර මැද පැවැත්වීමට ආණ්ඩුවේ අවධානය

පළාත් සභා ඡන්දය ලබන වසර මැද පැවැත්වීමට ආණ්ඩුවේ අවධානය

113
0

ලබන වසරේ (2021) සිංහල අලුත් අවුරුද්දෙන් පසු පළාත් සභා මැතිවරණය පැවැත්වීම කෙරෙහි ආණ්ඩුවේ අවධානය යොමුව තිබෙනවා.

මීට පෙර එම මැතිවරණය පෙබරවාරි මාසයේ දී පැවැත්වීමට සැලැසුම් කර තිබීමද, Covid-19 වසන්ගතය යම් දුරකට පාලනය කර එම මැතිවරණය පැවැත්වීම කෙරහි අවධානය යොමු කර ඇති බව ‘අරුණ’ වෙබ් අඩවිය වාර්තා කරනවා.

පසුගිය යහපාලන ආණ්ඩුව සමයේ පැවැත්වීමට තිබූ පළාත් සභා මැතිවරණය සීමා නිර්ණයේ ඇති වූ ගැටලු හේතුවෙන් කල් ගියේය. ඇතැම් පළාත් සභාවල කාලය ඉක්මවා ගොස් දැනට වසර 2කටත් වැඩි කාලයක් පසුවී ඇත.

කෙසේ වෙතත් පළාත් සභා මැතිවරණය පවත්වන්නේ පැරැණි කමයටද, කොට්ඨාස ක්‍රමයටද යන්න සම්බන්ධයෙන් අවසන් තීරණයකට එළැඹ නොමැත.

පැරැණි ක්‍රමයට පළාත් සභා මැතිවරණය පවත්වන්නේ නම් ඊට අදාළ යෝජනාව කැබිනට් මණ්ඩලයට ඉදිරිපත් කර සම්මත කිරීමෙන් පසුව එය නීතිපති දෙපාර්තමේන්තුවට යොමු කර එය පාර්ලිමේන්තුවේ සම්මත කිරීමෙන් මැතිවරණය පැවැත්වීමේ හැකියාව පවතින බව වාර්තාවේ.

එහි දී නව පළාත් සභා මැතිවරණය ක්‍රමය ආරම්භ වන වර්ෂය දීර්ඝ කිරීමෙන් පැරැණි ක්‍රමය ක්‍රියාත්මක කළ හැකි බව නීති උපදේශකයන් ආණ්ඩුවට පෙන්වා දී ඇත.

LEAVE A REPLY

Please enter your comment!
Please enter your name here