Home Health කොරෝනා රොගීන් ගෙනියන්න ගිය PHIවරුන්ට ගම්මුන් පහර දෙයි

කොරෝනා රොගීන් ගෙනියන්න ගිය PHIවරුන්ට ගම්මුන් පහර දෙයි

762
0

වැල්ලම්පිටිය ඔරුගොඩවත්ත ප්‍රදේශයේ සාතම්මාවත්තේ සිදුකරන ලද පී.සී.ආර්. පරීක්ෂණවලින් කොරෝනා ආසාදිතයන් 8 දෙනෙකු පෙරේදා (15දා) සවස් වන විට වාර්තා වී ඇත.

ඒ අනුව කොළොන්නාව නගර සභාවේ මහජන සෞඛ්‍ය පරීක්ෂකවරුන් විසින් ඔවුන් රෝහල්ගත කිරීම සඳහා රැගෙන යාමට සැරසෙද්දි ප්‍රදේශවාසීන් විසින් ඔවුන්ට පහරදී ඇති බව ‘අරුණ‘ පුවත්පත වාර්තා කරයි.

ඊයේ (16 වැනිදා) උදේ වන විට ලැබී තිබූ පී.සී.ආර්. ප්‍රතිඵල අනුව තවත් ආසාදිතයන් 10 දෙනෙකු එම වත්තේම සිටින බවට තහවුරු වී ඇත. ඊයේ (16 වැනිදා) උදේ එම 18 දෙනා ඉවත් කරගැනීමට යාමේදීද පෙර ලෙසම ප්‍රදේශවාසීන් කලහකාරී ලෙස හැසිරෙමින් සෞඛ්‍ය අංශ නිලධාරීන්ට වත්තට ඇතුළු වීමට ඉඩ නොදෙන ලදි.

මේ අවස්ථාවේ කොළොන්නාව නගර සභාවේ සභාපති ගුත්තිල සිල්වා විසින් වහාම පොලිසිය සහ බුද්ධි අංශ නිලධාරීන් කැඳවීමට පියවර ගන්නා ලදි.

සෞඛ්‍ය පරීක්ෂකවරු විසින් ආරක්ෂක අංශවලද සහාය ඇතිව මහත් පරිශ්‍රමයක් දරා ඊයේ සවස් වන විට ආසාදිතයන් 18 දෙනා ඉවත් කරගෙන රෝහල් ගත කිරීමට පියවර ගෙන තිබිණි.

LEAVE A REPLY

Please enter your comment!
Please enter your name here