Home Hit කොරෝනා නිසා මෙරටට ගෙන්වා ගත් ලාංකිකයින්ට “DUTY FREE” භාණ්ඩ මිලදී ගන්න...

කොරෝනා නිසා මෙරටට ගෙන්වා ගත් ලාංකිකයින්ට “DUTY FREE” භාණ්ඩ මිලදී ගන්න යළි අවස්ථාවක්

71
0

ලොව පුරා පැතිර ගිය Covid-19 වසංගත රෝග තත්ත්වය හේතුවෙන් ශ්‍රී ලංකාවට පැමිණීමට නොහැකිව විවිධ රටවල රැඳී සිට, මෙරටට ගෙන්වා ගත් ශ්‍රී ලාංකිකයන්ට ගුවන් තොටුපළේ දී තීරු බදු රහිත භාණ්ඩ මිල දී ගැනීමේ අවස්ථාව ලබා දීමට තීරණය කර තිබේ.

මේ වන විට විවිධ රටවල රැඳී සිටි ශ්‍රී ලාංකිකයන් 13,000ක පමණ ප්‍රමාණයක් මෙරටට ගෙන්වා ගැනීමට රජය කටයුතු කර තිබේ.

නමුත් එම පිරිසට තීරු බදු රහිතව භාණ්ඩ මිල දී ගැනීමේ අවස්ථාව අහිමි වී ගොස් තිබූ බව සීමාසහිත ගුවන් තොටුපළ සහ ගුවන් සේවා සමාගමේ සභාපති , විශ්‍රාමික මේජර් ජනරාල් ජී.ඒ.චන්ද්‍රසිරි මහතා පැවසීය.

ශ්‍රී ලංකාවට පැමිණෙන ගුවන් මගීන් 100 දෙනෙක්ට ගුවන් තොටුපළ තීරු බදු රහිත සාප්පු සංකීර්ණයෙන් භාණ්ඩ මිල දී ගැනීමට අවස්ථාව උදා කර දෙන බව ද සභාපතිවරයා සඳහන් කරයි.

මෙම වැඩසටහන ගුවන් තොටුපළ බලධාරීන්, ශ්‍රී ලංකා රේගුව , ආගමන විගමන දෙපාර්තමේන්තු නිලධාරීන් එක්ව සංවිධානය කරන වැඩසටහනකි.

තීරු බදු රහිත භාණ්ඩ මිල දී ගැනීමේ දී මෙරටට පැමිණ සිටින ශ්‍රී ලාංකික ගුවන් මගීන් තම නිරෝධායන කටයුතු නිමා කළ බවට සෞඛ්‍ය බලධාරීන් නිකුත් කරන සහතිකය, ගුවන් ගමන් බලපත්‍රය ඇතුළු තවත් ලිපි ලේඛන කීපයක් ගුවන් තොටුපළ වෙත ඉදිරිපත් කළ යුතු බව ද ගුවන් තොටුපළ සභාපති ජී.ඒ.චන්ද්‍රසිරි මහතා පැවසීය.

LEAVE A REPLY

Please enter your comment!
Please enter your name here