Home Hit මහ මැතිවරණයේ වියදම කෝටි 1,000ක් (VIDEO)

මහ මැතිවරණයේ වියදම කෝටි 1,000ක් (VIDEO)

68
0

මෙවර මහ මැතිවරණය සඳහා රුපියල් කෝටි දහසක පමණ වියදමක් දැරීමට සිදු වන බව ජාතික මැතිවරණ කොමිසමේ සභාපති මහින්ද දේශප්‍රිය මහතා අද (30) ප්‍රකාශ කරන ලදි.

සභාපතිවරයා පැවසුවේ, මෙවර මැතිවරණයේ ඡන්ද ගණන් කිරීම අගෝස්තු 06 උදේ 8ට ආරම්භ කොට, පළමු නිල ඡන්ද ප්‍රතිඵලය පස්වරු 4 ට පමණ ලබාදිය හැකි බවයි.

2020 මහමැතිවරණයේ තැපැල් ඡන්ද පත්‍රිකා නිකුත් කිරීම හා තැපෑලට භාරදීම අද සිදු වූ අතර හෙට (01) සහ අනිද්දා (02) දිනවලද එම කටයුතු සිදුකරන බව මැතිවරණ කොමිෂන් සභාව සඳහන් කර සීටියි.

මෙවර මහ මැතිවරණය සඳහා රාජ්‍ය සේවකයින් 705,085 දෙනෙකු තැපැල් ඡන්දය භාවිත කිරීම සඳහා සුදුසුකම් ලබා සිටියි.

තැපැල් ඡන්ද සලකුණු කිරීම එළැඹෙන ජූලි මස 14 හා 15 යන දිනවලදී සිදුකිරීමට නියමිතයි.

දිස්ත්‍රික් ලේකම් කාර්යාල, මැතිවරණ කාර්යාල, පොලීසිය, ආරක්ෂක හමුදා, සිවිල් ආරක්ෂක දෙපාර්තමේන්තුව සහ සෞඛ්‍ය අංශ නිලධාරීන්ට ජූලි 16 හා 17 යන දිනවලදී තැපැල් ඡන්දය සලකුණු කිරීමට අවස්ථාව හිමි වේ.

එම දින 04 තුළ ඡන්ද සලකුණු කිරීමට නොහැකි වන තැපැල් ඡන්ද හිමියන්ට එළැඹෙන ජූලි මස 20 හා 21 ඡන්දය සලකුණු කළ හැකි වන්නේ තමන්ගේ සේවා ස්ථානය පිහිටි දිස්ත්‍රික්කයේ දිස්ත්‍රික් මැතිවරණ කාර්යාලයේදීයි.

සෞඛ්‍ය වෛද්‍ය නිලධාරී කාර්යාලවලට සම්බන්ධිත නිලධාරීන්ට ජූලි 13 වනදා තැපැල් ඡන්දය සලකුණු කිරීමේ විශේෂ දිනයක් ලෙස මැතිවරණ කොමිසම අද නිවේදනය කරනු ලැබීය.

නිල ඡන්ද දැන්වීම් පත්‍රිකා තැපෑලට භාරදීම ජූලි 11 වනදායින් ආරම්භ වන අතර නිල ඡන්ද දැන්වීමේ බෙදීමේ අවසන් දිනය වන්නේ ජූලි 29 වනදායි.

එම දිනයෙන් පසුව නිල ඡන්ද දැන්වීම් පත්‍රිකා නොලැබුණු ඡන්ද හිමියන්ට 2019 ඡන්ද හිමි නාම ලේඛනයේ ලියාපදිංචි ලිපිනයට අදාල තැපැල් කාර්යාලය වෙත ගොස් සිය අනන්‍යතාවය ප්‍රකාශ කිරීමෙන් අනතුරුව නිල ඡන්ද දැන්වීම්පත ලබාගත හැකිවිය.

LEAVE A REPLY

Please enter your comment!
Please enter your name here