Home Politics වෙල්ගමට පොහොට්ටුවට එක්වන්නැයි ඉල්ලා සත්‍යග්‍රහයක්

වෙල්ගමට පොහොට්ටුවට එක්වන්නැයි ඉල්ලා සත්‍යග්‍රහයක්

326

ශ්‍රී ලංකා නිදහස්‌ පක්‍ෂ උප සභාපති කළුතර දිස්‌ත්‍රික්‌ පාර්ලිමේන්තු මන්ත්‍රී සහ හිටපු ඇමැති කුමාර වෙල්ගමට දේශපාලනිකව නිහඬව නොසිට ශ්‍රී ලංකා පොදුජන පෙරමුණට සහයෝගය ලබාදීමට පැමිණෙන ලෙසට ඉල්ලා භික්‌ෂූන් වහන්සේලා තුන් නමක්‌ සහ තවත් ආධාරකරුවන් තිදෙනෙකුත් පෙරේදා (17) මතුගම නගරයේදී ආරම්භ කළ සත්‍යග්‍රහයක්‌ ඊයේ (18) වන විට දෙවැනි දිනටත් ක්‍රියාත්මක වුණා.

මෙම සත්‍යග්‍රහයට තෙබුවන ග්‍රන්තාකර පිරිවෙන් විහාරාධිති තෙබුවන ඥානින්ද නායක හිමියන්, බොන්දුපිටියේ නාගතිස්‌ස හිමියන්, මාවිට ඤාණරතන හිමියන් සමග ප්‍රභාත් විඡේවර්ධන, දුමින්ද දයාශාන්ත සහ නාලක සමරසිංහ යන පිරිස එක්‌වී සිටියා.

එම අවස්‌ථාවට මතුගම ප්‍රාදේශීය සභාවේ සභාපති මෙරිල් මුණසිංහ ඇතුළු පොදුජන පෙරමුණේ මන්ත්‍රීවරු සහ අධාරකරුවන් පිරිසක්‌ ද එක්‌වී සිටියා.

මෙහිදී අදහස්‌ දැක්‌ වූ පූජ්‍ය තෙබුවන ඥානින්ද නායක හිමියන් පැවසුවේ කළුතර දිස්‌ත්‍රික්‌ ජනතාවගෙන් වැඩිම මනාප ප්‍රමාණයක්‌ ලබාගෙන තේරී පත් වූ කුමාර වෙල්ගම මහතාගේ සහයෝගය මේ අවස්‌ථාවේ රටේ අනාගතය තීරණය කිරීමට ඉතාම අවශ්‍ය බැවින් ඒ මහතා තවදුරටත් නිහඬව නොසිට ක්‍රියාකාරී දේශපාලනයට පිවිස ශ්‍රී ලංකා පොදුජන පෙරමුණට එක්‌විය යුතු බවයි.

එම නිසා ඒ සඳහා කුමාර වෙල්ගම මහතාට බල කරමින් ඉල්ලා සිටීමට මෙම සත්‍යග්‍රහය ආරම්භ කළ බවත් ඒ සඳහා අද දිනයේ යහපත් ප්‍රතිචාරයක්‌ නොමැති වූවහොත් සත්‍යග්‍රහයේ යෙදී සිටින පිරිස මාරාන්තික උපවාසයක්‌ දක්‌වා ගෙන යැමට තීරණය කර ඇති බවත් උන්වහන්සේ ප්‍රකාශ කළා.

මහිලාල් පද්මසූරිය

LEAVE A REPLY

Please enter your comment!
Please enter your name here