Home Hit නිදහස් පක්ෂ කණ්ඩායමක් සජිත් සමඟ ගිවිසුමකට

නිදහස් පක්ෂ කණ්ඩායමක් සජිත් සමඟ ගිවිසුමකට

854

ශ්‍රී ලංකා නිදහස් පක්ෂය සුරැකීමේ සංවිධානයේ තරුණ කණ්ඩායමක් ජනාධිපතිවරණයේදී නව ප්‍රජාතන්ත්‍රවාදී පෙරමුණේ අපේක්ෂක සජිත් ප්‍රේමදාසට සහාය දීමට තීරණය කර ඇති බවයි.

ඒ අනුව එම පිරිස ශ්‍රී ලංකා පොදුජන පෙරමුණේ අපේක්ෂක ගෝඨාභය රාජපක්ෂට සහාය දෙන ශ්‍රී ලංකා නිදහස් පක්ෂයේ කණ්ඩායමට එරෙහිව නැගී සිටිනු ඇත.

එම කණ්ඩායමේ ලේකම් නීතිඥ රාජික කොඩිතුවක්කු ඊයේ (14) රිපබ්ලිකන් නෙක්ස්ට් වෙබ් අඩවියට පවසා සිටියේ මේ මස අවසානයේදී ඔවුන් සජිත් ප්‍රේමදාස සමඟ අවබෝධතා ගිවිසුමක් අත්සන් කරන බවයි.

ඒ අනුව ඔහු කියා සිටියේ නොවැම්බර් 17 දක්වා වන කෙටි කාලයක් සඳහා ගිවිසුමක් මත පදනම්ව සිය සහාය සජිත් ප්‍රේමදාසයට ලබාදෙන බවයි.

තම පක්ෂයට හෝ එහි සාමාජිකයින්ට සජිත් ප්‍රේමදාස සමග කිසිදු සම්බන්ධයක් නොමැති බවත්, මෙම තීරණය ගනු ලැබුවේ ගෝඨාභය රාජපක්ෂ පරාජය කිරීම සඳහා පමණක් බවත් ඔහු සඳහන් කර සිටියා.

පාර්ලිමේන්තු මන්ත්‍රී කුමාර වෙල්ගමාට පක්ෂය තුළ කිසිදු කාර්යභාරයක් නොමැති බවත්, පක්ෂය සමන්විත වන්නේ ශ්‍රී ලංකා නිදහස් පක්ෂයට ආදරය කරන හා වැඩ කරන තරුණ කම්කරුවන්ගෙන් පමණක් බවත්, ජ්‍යෙෂ්ඨයින් එය පාවා දෙන බවත් ඔහු වැඩිදුරටත් සඳහන් කර සිටියා.

ජනාධිපතිවරණයේදී සජිත් ප්‍රේමදාසයට සහය දෙන බව කුමාර වෙල්ගම කිසිදු අවස්ථාවක නොකියුවත්, ඔහු නිතරම කියා සිටියේ තමා ගෝඨාභයට සහාය නොදක්වන බවයි.

උපුටා ගැනීම – republicnext

LEAVE A REPLY

Please enter your comment!
Please enter your name here