Home Hit දැන්වීමක් හේතුවෙන් යුද හමුදාපති ශවේන්ද්‍රට නඩු දැමිය හැකියි

දැන්වීමක් හේතුවෙන් යුද හමුදාපති ශවේන්ද්‍රට නඩු දැමිය හැකියි

469

යුද හමුදාපති ලුතිනන් ජනරාල් ශවේන්ද්‍ර සිල්වාගේ රූපය හා අදහස් දැක්වීමක් යොදාගනිමින් සති අන්ත පුවත්පත් කිහිපයක පළ කොට තිබෙන දැන්වීමක් පිළිබඳව වහාම පරීක්ෂණයක් සිදුකොට කරුණු සොයා බලන්නැයි ජනාධිපතිවරයාගෙන් හා මැතිවරණ කොමිසමේ සභාපතිවරයාගෙන් ඉල්ලා සිටින බව එක්සත් ජාතික පෙරමුණේ ජනාධිපති අපේක්ෂක සජිත් ප්‍රේමදාස මහතාගේ මෙහෙයුම් කළමනාකාරවරයකු වන තිස්ස අත්තනායක මහතා ප්‍රකාශ කරයි.

මෙම දැන්වීම් පළ කිරීම හමුදාපතිවරයාගේ දැනුවත්භාවයකින් සිදු වී තිබේ නම් එය බරපතල විනය විරෝධී ක්‍රියාවක් වේ. රාජ්‍ය සේවා නීතිරීති අනුව ඒ පිළිබඳ පරීක්ෂණයක් පවත්වා සේවයෙන් පහ කිරීමට පවා හැකිය.

ඒ පිළිබඳව ඔහු දැනුවත්ව සිදු වූවක් නොවේනම්, එම දැන්වීම බරපතල මැතිවරණ නීති උල්ලංඝනය කිරීමක් බවත් එය පළ කළ අයට එරෙහිව කටයුතු කිරීමටද හැකිය.

රාජ්‍ය නිලධාරීන්ගේ රාජකාරි හා වෘත්තීය චර්යාව පාලනය කරනු ලබන මූලික ලේඛනයක් වන්නේ ආයතන සංග්‍රහයයි. එහි 32 පරිච්ඡේදයෙහි දේශපාලන අයිතිවාසිකම් පිළිබඳව පහත පරිදි වේ.

පහත සඳහන් අයට දේශපාලන අයිතිවාසිකම් භුක්ති විඳීමට හිමිකමක් නැත: අධිකරණ නිලධාරියකු, සන්නද්ධ සේවාවල නිලධාරියකු, පොලිස් හමුදා නිලධාරියෙකු සහ අපරාධ නඩු විධිවිධාන සංග්‍රහය යටතේ පොලිස් කටුතු ඉටුකරන සාම නිලධාරියකු, (උදා: ග්‍රාම නිලධාරීන්), (138 වැනි අධිකාරිය වන) වෘත්තීය සමිති ආඥා පනතේ 20 වැනි වගන්තියේ විග්‍රහ කර ඇති පරිදි බන්ධනාගාර නිලධාරියකු, රජයේ සේවයේ නියුක්ත මාණ්ඩලික හෝ අධීක්ෂණ නිලධාරියකු, මැතිවරණ කටුතු පිළිබඳ දෙපාර්තඡම්න්තුවේ (පාර්ලිමේන්තු, පළාත් පාලන ආදී) සේවයේ නියුතු නිලධාරියකු, එහි සේවය කරන තාක් කල්,

ආයතන සංග්‍රහයේ වැඩිදුරටත් මෙසේ දැක්වේ.

ජනාධිපති තේරීමක දී, පාර්ලිමේන්තු මැතිවරණයක දී, ජනමත විමසුමක දී, පළාත් සභා මැතිවරණයක දී හෝ පළාත් පාලන මැතිවරණයක දී ඡන්දය දීම හැර වෙනත් කිසිදු ආකාරයක දේශපාලන කටයුත්තක යෙදීම සහ විශේෂයෙන් ම පහත සඳහන් කවර ක්‍රියාවක් වුව ද කිරීම දේශපාලන අයිතිවාසිකම් අහිමි නිලධාරියෙකුට තහනම් වේ. මීට පටහැනිව ක්‍රියා කිරීම සේවයෙන් පහකිරීමේ දඬුවමට භාජනය විය යුතු වරදකි.

රාජ්‍ය සේවකයකු ලෙස එහි සඳහන් වරද වනුයේ: මැතිවරණයකට සහභාගිවීම, මැතිවරණයකට ඉදිරිපත් වන ඡන්දාපේක්ෂකයකුට මොනයම් ආකාරයකින් හෝ ආධාර කිරීම, මැතිවරණයක් සඳහා තමන් නම් කරගනු ලැබීමට කවර පියවරක් හෝ ගැනීම.

යම් කිසි රාජ්‍ය නිලධාරියෙකුට දේශපාලනය කිරීමට අවශ්‍ය නම් එය කළ යුතු නියම ආකාරය ද ආයතන සංග්‍රහයේ පහත පරිදි දක්වා ඇත

එම නිලධරයන් තම ඡන්ද අඡේක්ෂකත්වය තහවුරු කරගැනීම සඳහා හෝ එවැනි මැතිවරණයක දී තමාට අවාසි ද, නැද්ද යන වග පරීක්ෂා කර බැලීම සඳහා හෝ ප්‍රාරම්භක කටුතු කිරීමට අදහස් කරන්නේ නම් ඔහු එම කටයුතු කිසිවක් කිරීමට හෝ අන් අයකු ලවා කරවා ගැනීමට අනුමත කිරීමට හෝ පෙර, රාජ්‍ය සේවයේ තමා දරන තනතුරෙන් ඉල්ලා අස්විය යුතු ය. එසේ වුවද, අවුරුදු 10ක් හෝ ඊට වැඩි සේවා කාලයක් ඇති එවැනි නිලධරයකුට ජනාධිපති, පාර්ලිමේන්තු, පළාත් සභා හෝ පළාත් පාලන මැතිවරණයක දී අපේක්ෂකයකු වශයෙන් ඉදිරිපත් වන්නේ නම්, නාම යෝජනා භාරදෙන දිනට යටත් පිරිසෙයින් දින 10කට කලින් පත්කිරීම් බලධරයා වෙත දන්වා මැතිවරණයට නාම යෝජනා භාරදීමට දින 07කට පෙර සිට තමා දරන තනතුරෙන් විශ්‍රාම ගතහැකි ය. එසේ විශ්‍රාම ගැනීමට නම් ඔහු විසින් රජයට අයවිය යුතු සියලුම ගෙවීම් නිරවුල් කළ යුතු අතර, ගිවිසුම්ගත අනිවාර්ය සේවා කාලයක් තුළ නම් ඒ සඳහා ගිවිසුම්ගත මුදල් ගෙවා ගිවිසුමෙන් නිදහස් විය යුතු ය. එවැනි විශ්‍රාම යන අයෙකුට ඔහුට වයස අවුරුදු 55 පිරෙන දිනයේ සිට විශ්‍රාම වැටුප හා පාරිතෝෂිකය හිමි වනු ඇත.

එම නිසා යුද හමුදාපති තුමන්ගේ දැනුවත් වීමක් සහිතව මෙය සිදු වී ඇත්නම් එය බරපතල විනය විරෝධී ක්‍රියාවකි,
එසේ නොමැතිනම් එම දැන්වීම බරපතල මැතිවරණ නීති උල්ලංඝනය කිරීමකි.

LEAVE A REPLY

Please enter your comment!
Please enter your name here