Home Hit රාජපක්ෂ පාලන සමයේ අත්අඩංගුවට ගත් මාධ්‍යවේදීන් පිරිසක් නිර්දෝෂී බවට උසාවියෙන් තීන්දුවක්

රාජපක්ෂ පාලන සමයේ අත්අඩංගුවට ගත් මාධ්‍යවේදීන් පිරිසක් නිර්දෝෂී බවට උසාවියෙන් තීන්දුවක්

798

පසුගිය ආණ්ඩුව සමයේ රාජ්‍ය ද්‍රෝහී චෝදනා එල්ල කරමින් අත්අඩංගුවට ගන්නා ලද මාධ්‍යවේදීන් පිරිසක් කොළඹ මහේස්ත්‍රාත් අධිකරණ විසින් ඊයේ (20) නිදොස් කොට තිබෙනවා.

ඒ ශ්‍රී ලංකා මිරර් හා ශ්‍රී ලංකා එක්ස් නිවුස් පුවත් වෙබ් අඩිවි වල සේවය කළ මාධ්‍යවේදීන් පිරිසකි.

ඔවුන් 2012 ජුනි 29 වනදා අපරාධ පරීක්ෂණ දෙපාර්තමේන්තුව මගින් අත්අඩංගුවට ගනු ලැබුවේ එවකට ජනාධිපති ධුරය දැරූ මහින්ද රාජපක්ෂගේ කීර්තිනාමයට අපහාස කිරීමේ සහ රාජ්‍ය ද්‍රෝහී කටයුතු වල නිරත වු බවට චෝදනා කරමිනුයි.

කැළුම් ශිවන්ත, සුභාෂ් ජයවර්ධන, අජිත් සෙනෙවිරත්න, හිමාෂි කරුණාරත්න, තරිඳු රාජපක්ෂ, අසංක නිවන්ත සහ සිද්ධික් කාරියප්පර් යන මාධ්‍යවේදීන් පිරිස ඊයේ කොළඹ මහේස්ත්‍රාත් අධිකරණ විසින් මෙසේ නිදහස් කරනු ලැබුවේ තවදුරටත් නඩුව පවත්වාගෙන යෑමට බලාපොරොත්තු නොවන බව නීතිපති දෙපාර්තමේන්තුව පාර්ශ්වයෙන් දැනුම් දීමෙන් පසුවයි.

කෙසේ වෙතත් මාධ්‍යවේදීන් වෙත මුලින් නඟා තිබු චෝදනා ඔප්පු කර ගැනීමට අසමත් වු අපරාධ පරීක්ෂණ දෙපාර්තමේන්තුව පසුව ඔවුන් හට පරිගණක වල අසභ්‍ය ඡායාරූප තබාගැනීමේ චෝදනා කළ අතර එය ද සනාථ කර ගැනීමට අපොහොසත් වී තිබෙනවා.

ඇප මත මුදාහැර සිටි මාධ්‍යවේදීන් පිරිස අධිකරණයෙන් කරන ලද ඉල්ලීමකට අනුව නඩුව යළි කැඳවුණු අතර, එහිදී නීතිපති දෙපාර්තමේන්තුව පාර්ශවයෙන් කරුණු දක්වමින් නඩුව ඉදිරියට පවත්වාගෙන යෑමේ බලාපොරොත්තුවක් නැති බව අධිකරණයට දැනුම් දී ඇති අතර ඒ අනුව ඔවුන් නිදහස් කිරීමට මහේස්ත්‍රාත්වරයා නියෝග කර තිබෙනවා.

LEAVE A REPLY

Please enter your comment!
Please enter your name here