Home Hit ‘‘බය නොවී වැඩ කරගෙන යන්න’’ – IS නායකයාගෙන් තවත් හඬ පටයක්

‘‘බය නොවී වැඩ කරගෙන යන්න’’ – IS නායකයාගෙන් තවත් හඬ පටයක්

284

ISIS සංවිධානයේ නායක අබු බකර් අල් – බග්ඩාඩි විසින් සිය සංවිධානයට අයත් අල් – ෆුර්කාන් මාධ්‍ය ජාලය හරහා හඬ පටයක් නිකුත් කර තිබෙනවා.

මිනිත්තු 30ක කාලයකින් යුතු එම හඬපටය හරහා ඉස්ලාමිය රාජ්‍ය හෙවත් ISIS සංවිධානයේ මෙහෙයුම් තවමත් අවසන් වි නොමැති බවත්, එය තවදුරටත් පෙරමුණු කිහිපයකින් ක්‍රියාත්මක වෙමින් පවතින බවත් ඔහු ප්‍රකාශ කර තිබෙනවා.

පසුගිය අප්‍රේල් මාසයේදී මිනිත්තු 18ක විඩියෝවක් මගින් ඔහු සිය අනුගාමිකයින් අමතා හඬ පටයක් නිකුත් කර තිබූ අතර ඉන් මාස 05ට පසුවයි ඔහු නැවතත් මෙලෙස හඬපටයක් නිකුත් කර ඇත්තේ.

මෙම හඬපටය හරහා “ඉස්ලාමිය පුරෝගාමින් ලෙස යහපත් ලෙස කටයුතු කරන්න… එහි ප්‍රතිපලය අල්ලාගේ අතේ ඇත්තේ. ජයග්‍රහණය හෝ පරාජයේදී ඔබ ඔහුගේ ස්ථානයේ සිටිනු ඇත. සිදුකරමින් සිටින මෙහෙයුම් තවදුරටත් ඉදිරියට කරගෙන යන්න‘‘ යනුවෙන් ඔහු සිය IS අනුගාමිකයින්ට දැනුම් දී තිබෙනවා.

මේ අතර සිරියාවේදි සහ ඉරාකයේදි අත්අඩංගුවට ගෙන රදවා ගෙන සිටින IS සංවිධානයට අයත් කාන්තාවන් සහ ළමුන් නිදහස් කර ගැනිමට ගත හැකි උපරිම ක්‍රියාමාර්ග ගන්නා ලෙසත්, සිය සංවිධානයේ බලය ක්‍රමයෙන් ගිලිහෙමින් පවතින සිරියාව සහ ඉරාකයට අමතරව මේ වන විට තම සංවිධානය ඇෆ්ගනිස්ථානයේ ඇතුළු රටවල් කිහිපයක මෙහෙයුම් ක්‍රියාත්මක කර ඇති බවත් ඔහු ප්‍රකාශ කර තිබෙනවා.

LEAVE A REPLY

Please enter your comment!
Please enter your name here