Home Hit ”පොහොට්ටුවෙන් ගෝඨා දැම්මේ රටේ ප්‍රශ්නය හරියට තේරුම් ගත් නිසයි” – සරත් ෆොන්සේකා

”පොහොට්ටුවෙන් ගෝඨා දැම්මේ රටේ ප්‍රශ්නය හරියට තේරුම් ගත් නිසයි” – සරත් ෆොන්සේකා

927

ගෝඨාභය රාජපක්ෂ ජනාධිපති අපේක්ෂකයා ලෙස ඉදිරිපත් කළේ පොහොට්ටුවේ නායකයින් රටේ ප්‍රශ්නය හරියට තේරුම් ගත් නිසා යයි ෆීල්ඩ් මාෂල් සරත් ෆොන්සේකා පවසනවා.

ආරක්ෂාවේ ප්‍රශ්නය නිවැරදිව තේරුම් ගත් හෙයින් ගෝඨාභයට ඒ පැත්තෙන් ලොකු ඉල්ලුමක් ආ බව කී ඔහු ” එයාලා හිතන විදියට ඒ පැත්තේ සිටින වඩාත්ම සුදුසු කෙනා ගෝඨාභය” යැයි ද සඳහන් කර සිටියා.

ඔහු වැඩිදුරටත් සඳහන් කර සිටියේ, රටේ ආරක්ෂාව ගැන ප්‍රශ්නයක් තියෙනවා. ඒක තේරුම් ගත්තු නිසා ගෝඨාභයට ඒ පැත්තෙන් ලොකු ඉල්ලුමක් ආවා. මේ ප්‍රශ්නය විසඳීමට හොඳම මිනිහා ගෝඨාභය කියලා ඒ අය හිතනවා ඇති.

ගෝඨාභයගේ හැකියාවන් නොහැකියාවන් ගැන මම කතා කරන්න යන්නේ නැහැ. නමුත් ඒගොල්ලොන්ට ඉන්න හොඳම කෙනා හැටියට ගෝඨාභය ඉදිරිපත් කරලා තියෙනවා. එයාලා එහෙම කළේ රටේ ප්‍රශ්නය හරියට තේරුම් ගත්තු නිසයි. ආණ්ඩුව, එක්සත් ජාතික පක්ෂය ඔය තත්වය තේරුම් නොගෙන කටයුතු කළහොත් ජනතා ආශීර්වාදය ගැනීමට නොහැකි වේවි.

ජනතාව අද වෙනකොට ප්‍රමුඛත්වය දීලා තියෙන්නේ රටේ ආරක්ෂාවටයි. දුරදිග බලන කෙනෙකුට ඒක තේරෙන්න ඕන.

අද රට මේ තත්වයට පත්වෙලා තියෙන්නේ ඒවා. තේරුම් නොගෙන වැඩ වැඩ කිරීම නිසයි. දැන්වත් ඒක තේරුම් නොගත්තොත් ජනතාව ඊට නිසි ප්‍රතිචාර දක්වාවි.

එයාල හිතන විදිහට ඒ පැත්තේ ඉන්න වඩාත්ම සුදුසුම කෙනා එයා. නමුත් යුද්ධය ගැන කතා කරනකොට නම් අප දරණ ස්ථාවරය වෙනස්. කොහොම නමුත් එයාල රට ගැන හිතලා රටේ තත්වය තේරුම් අරගෙන ගත්තු තීරණයක්. ඒ නිසානේ එහෙම තීරණයක් ගත්තේ. ආණ්ඩුවටත් එහෙම හිතන්න දැන්වත් මොළේ පෑදෙන්නේ නැතිනම් ජනතාව ඔවුනට හරියි කියලා හිතෙන තීරණ ගනිවී.

සුජිත් හේවාජුලිගේ

LEAVE A REPLY

Please enter your comment!
Please enter your name here