Home Local සහරා ෆ්ලෑස් සංගීත කණ්ඩායමට ප්‍රහාරයක් – ප්‍රසංගය අතහැර චාමර රෝහලට

සහරා ෆ්ලෑස් සංගීත කණ්ඩායමට ප්‍රහාරයක් – ප්‍රසංගය අතහැර චාමර රෝහලට

532
0

පසුගිය (12) වනදා යළිත් වතාවක් සහරා ෆ්ලෑෂ් සංගීත කණ්ඩායටම අම්හිරි අත්දැකීමකට මුහුණදීමට සිදුව තිබෙනවා.

ඒ ගණේමුල්ල ප්‍රදේශයේ පැවති සංගීත ප්‍රසංගයේදී ගල් ප්‍රහාරයකට ලක්වීම හේතුවෙන්.

එම ප්‍රහාරයෙන් දරුණු ලෙස හිසට සිදුවූ තුවාළ හේතුවෙන් සහරා ෆ්ලෑෂ් සංගීත කණ්ඩායමේ කීබෝඩ් වාදන ශිල්පී හසිත කෝකිල රාගම රෝහලට ඇතුල්කර තිබෙනවා.

වාර්තා වන පරිදි එම ප්‍රදේශයේ අයෙකුට සංවිධායකයන් විසින් ගීත ගායනා කිරීමට අවස්ථාව ලබාදීමත් සමඟ එයට උරණ වූ නරඹන්නෙකු විසින් ගල් ප්‍රහාරයක් එල්ලකර තිබෙනවා.

මෙම සිදුවීම පිළිබඳව සඳහන් කරමින් සහරා ෆ්ලෑෂ් සංගීත කණ්ඩායම ප්‍රකාශ කරන්නේ යළි තම සංගීත කණ්ඩායම සමඟ ගීත ගායනා කිරීමට එවැනි අවස්ථාවක් ලබානොදීමට තීරණය කර ඇති බවයි.

මේ අතර පසුගියදා බණ්ඩාරවෙල ප්‍රදේශයේදී ද ප්‍රසංගයේ කාලසීමාව සම්බන්ධයෙන් ඇතිවූ අර්බුදයක් හේතුවෙන් සහරා ෆ්ලෑෂ් වේදිකාවට ප්‍රහාරයක් එල්ලවී තිබුණා.

මේ අතර ප්‍රහාරය එල්ලවීමත් සමඟ තුවාල ලැබූ වාදන ශිල්පියා කිසිවෙකු රෝහල්ගත කිරීමට ඉදිරිපත් නොවූ අවස්ථාවක හසිත කෝකිල කඩිනමින් රෝහල්ගත කර ඇත්තේ ජනප්‍රිය ගායන ශිල්පී චාමර වීරසිංහ බවයි වාර්තා වන්නේ.

එහිදී ඔහු ප්‍රසංගය අතහැර දමා තමන් වෙනුවෙන් රෝහලේ රැඳී සිටීම පිළිබඳව ස්තූතිවන්ත වෙමින් හසිත කෝකිල සිය ෆේස්බුක් ගිණුමට සටහනක් ද එක්කර තිබෙනවා.

”2019.02.12 දින ජීවිතයේ අමිහිරිම අත්දැකීමට මුහුණ දීමට සිදුවීම ගැන කණගාටු වෙමි. වරද කාගේද යන්න මා හරියට දන්නේ නැත. මා කිසිවෙකුටත් වෙර කරන්නේද නැත. පලිගැනීමක්ද කිසිසේත් නැත. මම අදහන දෙවියන්වහන්සේ ජේසුස් වහන්සේ පමණක් විශ්වාස කරමි.! මෙම අනතුර සිදුවූ අවස්තාවේ මා රෝහලට රැගෙන යාමට කිසිවෙකුත් ඉදිරිපතවූයේ නැත කිසිවෙකු වාහනයක් දුන්නේද නතර කලේද නැත. විශේෂයෙන්ම ගායන ශිල්පී “චාමර වීරසිංහ” අයය ඔබ එම අවස්තාවෙ කිසිවක් නොබල මා වාහනයට දාගෙන ඉතා ඉක්මනින් මා රාගම රෝහල වෙත රැගෙන ගියා. එතන් සිට ඔබ මා සමග ලගින් රැදී සිටියා ඔබගේ ප්‍රසංගයේ මුදල්වත් කිසිවක් ඔබ සිතුවේ නැත. ඉන් පසු යාමට තිබූ ප්‍රසංගයටද ගියේ නැත. මා රෝහලෙන් පිටවී යනතෙක්ම ඔබ මා සමග සිටීම මට මහත් සතුටක් මෙන්ම ඔබට ඒ සැමදේටම අනේකවාරයක් පින්…! කවුරැ මොන දේ කීවත් ඔබ හදවතේ ගායකයා ලෙස ඔබට මේ තරම් මිනිසුන් ආදරය කරන්නේ මේ මනුස්සකම නිසාවෙනි.. එම අවස්තාවේ සිට මේ දක්වා මාගෙ සුවදුක් සොයා බැලූ ඔබ සැමටම අනේකවාරයක් පින්..! මෙම සිදුවීම සිදු වූ පළමු සහ අවසාන පුද්ගලයා මම නොවෙමි.. අප ජීවත්වන්නේ ඉතා කෙටි කාලයකි. මේ සසර පුරාවට කොපමන වාරයක් අපි ඉපදී මියගොස් ඇත්ද.? එම නිසා පව් කිරීමට පෙර දෙපාරක් සිතන්න. අපගේ පොඩි හැකියාවෙන් වාදනයෙන් ගායනයෙන් ඔබ සතුටට පත්වූයේ නැතිනම් ඔබට හරිහැටි රසයක් ලබාදීමට නොහැකිවුවානම් අපි කණගාටුවන්නෙමු..! සංගීතය සමග දරැණු මත්ද්‍රවය පටලවාගැනීමෙන් වලකින්න. එයින් ඔබට ඉතිරිවන්නේ විකුර්ති වූ මනසක් පමණි. ඔබව සතුටු කිරිමට මේ සේවය ඉටු කලද, අවසානයේ අපිට දුක,වේදනාව,ලේ,කදුලු,කලකිරීමක් පමණක්ම වීම හිතට ඉමහත් වේදනාවකි…. මෙතුවක්දුර අපිව දුරිමත් කරන ආදරය කරන සහ ගල්මුල් එල්ල කරන ඔබ සැමටද අනේකවාරයක් පින්….!! හසිත කෝකිල(සහරා ෆ්ලෑශ්)”

LEAVE A REPLY

Please enter your comment!
Please enter your name here