Home Environment අපමණ ගුණ ඇති සොබාදහමේ අපූරු දායාදය ‘ තැඹිලි ‘

අපමණ ගුණ ඇති සොබාදහමේ අපූරු දායාදය ‘ තැඹිලි ‘

1256
0

බොහෝ දෙනෙක් නොදන්නා ගුණ රැසක් ඇති රසවත් පානයක් තමයි තැඹිලි කියන්නේ.

තැඹිලි වර්ග ගණනාවක්ම තියෙනවා.

මාස 7 ක් 8 ක් පුරා ජෛව පිරිසුදු වීමේ ක්‍රියාවලියකට ලක්වෙලා නිපදවෙන තැඹිලි වතුර ජීවාණුහරිතයි.

තැඹිලි වල සුලභව පවතින පොටෑසියම්, සෝඩියම්, ක්ලෝරයිඩ්, මැග්නිසියම් වැනි අයන වර්ග මෙන්ම සුළු වශයෙන් ඇති ස්වාභාවික සීනි නිසාත් විශිෂ්ට ගුණයක් එහි පවතිනවා.

ඒ වගේම තැඹිලි වතුර සහ එහි මදය ආහාරමය තන්තුවලින් ඉතාම පොහොසත්.

මැංගනිස්, අයඩින්, සල්ෆර්, සින්ක්, සෙලනියම්, කැල්සියම්, පොස්පරස්, යකඩ හා විටමින් බී,. සී හා ඊ වැනි ක්ෂුද්‍ර පෝෂකත් අන්තර්ගත තැඹිලි වල අත්‍යවශ්‍ය අමයිනෝ අම්ල, කාබනික අම්ල, ප්‍රතිඔක්සිකාරක ජෛව ක්‍රියාකාරී එන්සයිම වර්ග, ශාක රසායන, කාබනික අම්ල, ශාක හෝර්මෝන වර්ග වගේම හදවතට හිතකර මේදය ද අන්තර්ගත වනවා.

තැඹිලි වතුර, ඇඟ නිවන ඔසුවක් ලෙස අපගේ දේශීය වෙදකමෙහිදී බහුලව යොදා ගැනෙන අතර තැඹිලි වතුරෙහි තිබෙන අධික ඛනිජ ලවණ සංයුතිය නිසා, හෘදයාබාධ, අධික රුධිර පීඩනය වැළැක්වීමේ ඖෂධීය ගුණයක් එහි තිබෙනවා.

බටහිර ඖෂධ අධිමාත්‍රා බවකින් ශරීරගත වුණොත් එහි විස නසන්න තැඹිලිවලට හැකියාවක් පවතිනවා.

ආහාර වර්ගවල තිබෙන පළිබෝධනාෂක අමතර කොටස් හා ආසනික්, කැඩ්මියම් වැනි බැර ලෝහ කොටස් නිසා සිදුවන හානි අවම කරන්නත් තැඹිලි වතුර භාවිත කරනවා.

දියවැඩියා රෝගය පාලනය කිරීම සඳහා ද තැඹිලි වතුර පානය කිරීම ඉතාම වැදගත්.

තැඹිලි වතුර මානව ශරීරයේ අහිතකර කොලෙස්ටරෝල් අඩුකරන්නත්, හිතකර කොලෙස්ටරෝල් මට්ටම වැඩි කරන්නත් හේතු වන අතර, එහි පොටෑසියම් වැඩි සාන්ද්‍රණයකින් අඩංගු වන නිසා හෘදය රකින විශිෂ්ට පානයක් ලෙසයි සැලකෙන්නේ.

තැඹිලි වතුර, පිළිකා ඇතිවීමට හේතු වන නිදහස් මුක්ත ඛණ්ඩක විනාශ කරන ප්‍රතිඔක්සිකාරකවලින් ද පොහොසත් බව සොයා ගෙන තිබෙනවා.

තවද එහි සින්ක් සහ සෙලනියම් වැනි ඛනිජ ලවණ වර්ග අඩංගු බැවින් ලිංගික සරු බවට සහ මඳ සරු බව දුරු කරන්නත් හොඳ ඖෂධයක්.

මහලු අයට වගේම ඝන ආහාර දිරවීම අපහසු රෝගීන්ට ලබාදෙන්න පුළුවන් විශිෂ්ට පෝෂණිය පානයක් ලෙසයි තැඹිලි වතුර සැළකෙන්නේ.

මවු කිරිවල තිබෙන ලෝරික් අම්ලය තැඹිලි වතුරෙහි ද අඩංගුවන නිසා සකස් කළ ළදරු කිරිපිටි වර්ගවලට වඩා තැඹිලි වතුර ගුණදායකයි.

ගර්භණි මවුවරුන්ද තැඹිලි වතුර පානය කිරීම ඉතා සුදුසුයි.

ශරීරය අධිකව වෙහෙසට පත්වන අවස්ථාවලදී සහ විජලන තත්ත්වයන්වල දී තැඹිලි වතුර පානය කිරීමෙන් විස්මිත ගුණ ලැබෙනවා.

උපදෙස් පෝෂණවේදී – විශේෂඥ වෛද්‍ය රේණුකා ජයතිස්ස

LEAVE A REPLY

Please enter your comment!
Please enter your name here