හම්බන්තොට අපනයන වෙළඳපොළහි අර්ධ වානේ රේඩියල් ටයර් සහ සම්පූර්ණ වානේ රේඩියල් ටයර් නිෂ්පාදනය කිරීමේ ව්‍යාපෘතිය සඳහා යෝජනා කර ඇති බදු සහන අමාත්‍ය මණ්ඩලය විසින් අනුමත කර ඇත.
හම්බන්තොට ජාත්‍යන්තර වරාය පරිශ්‍රය තුළ අපනයන වෙළඳපොළේ අර්ධ වානේ රේඩියල් ටයර් සහ සම්පූර්ණ වානේ රේඩියල් ටයර් නිෂ්පාදනය කිරීම සඳහා චීනයේ ෂැන්ඩොං හහෝවා ටයර් සමාගම විසින් ඉදිරිපත් කරන ලද යෝජනාවක් ආයෝජන මණ්ඩලයේ අනුමැතිය හිමි විය.
මෙම ව්‍යාපෘතිය සඳහා ඇමරිකානු ඩොලර් මිලියන 300 ක ආයෝජනයක් සහිතව චීනයේ ෂැන්ඩොං හාහුආ ටයර් සමාගම ආයෝජන මණ්ඩලයට යෝජනාවක් ඉදිරිපත් කරනු ලැබීය.
2008 අංක 14 දරණ උපාය මාර්ග සංවර්ධන පනත (සංශෝධිත) යටතේ උපාය මාර්ග සංවර්ධන ව්‍යාපෘතියක් ලෙස මෙම ව්‍යාපෘතිය ක්‍රියාත්මක කිරීම සඳහා ආයෝජන මණ්ඩලය සිය කැමැත්ත ලබා දී ඇත.
ඒ අනුව, උපාය මාර්ග සංවර්ධන පනතේ විධිවිධාන වලට අනුව අදාළ බදු සහන ප්‍රදානය කිරීම සඳහා අග්‍රාමාත්‍ය මහින්ද රාජපක්ෂ මහතා මුදල් අමාත්‍යවරයා ලෙස ඉදිරිපත් කළ යෝජනාවට අමාත්‍ය මණ්ඩලය මෙලෙස අනුමැතිය ලබා දී තිබේ.
මාස 36 ක කාලයක් තුළ ව්‍යාපෘතිය ආරම්භ කිරීමට සහ සමස්ත නිෂ්පාදනයෙන් අවම වශයෙන් 80% ක් අපනයනය කිරීමට යටත්ව බදු සහන ලබා දෙනු ලැබේ.
සබැඳි ලිපි..
