Home Hit උපාධිධාරීන්ට ජල හා කඳුළු ගෑස් ප්‍රහාරයක්

උපාධිධාරීන්ට ජල හා කඳුළු ගෑස් ප්‍රහාරයක්

522
0

රැකියා ලබාදෙන ලෙසට ආණ්ඩුවෙන් ඉල්ලා සිටි උපාධිධාරීන්ට ජල හා කඳුළු ගෑස් ප්‍රහාරවලින් පිළිතුරු ලබාදුන් බව ඒකාබද්ධ රැකියා විරහිත උපාධිධාරී සංගමය සඳහන් කරයි.

මේ හේතුවෙන් උපාධිධාරීන්ට රැකියා ලබාදීමේ සටන මින් ඉදිරියට ජනතාව එකතු කරගෙන සිදුකරන බව එම සංවිධානයේ කැඳවුම්කරු පූජ්‍යතැන්නේ ඥානානන්ද හිමියෝ අවධාරණය කළහ.

රැකියා විරහිත සියලු උපාධිධාරීන්ට රැකියා ලබාදෙන ලෙස ඉල්ලා අද (29දා) කොටුව දුම්රියපොළ ඉදිරිපිටදී විරෝධතා ව්‍යාපාරයක් පැවැත්වූ අතර, පසුව ජනාධිපති ලේකම් කාර්යාලය දක්වා විරෝධතා පාගමනක් පැවැත්වීමට ඔවුහු කටයුතු කළහ.

මෙහිදී පාගමන ජනාධිපති කාර්යාලය දෙසට යාම වැළැක්වීමට පොලීසිය ලෝටස් මාර්ගය හරහා බාධක යොදා වසාදැමීමට කටයුතු කළ අතර, මාර්ග බාධක ඉවත් කිරීමට උත්සාහ කිරීම හේතුවෙන් විරෝධතාකරුවන් විසිරුවා හැරීමට අවස්ථා දෙකකදී ජල හා කඳුළු ගෑස් ප්‍රහාර එල්ල කිරීමට පොලීසිය කටයුතු කළේය.

ජල හා කඳුළු ගෑස් ප්‍රහාර හේතුවෙන් රැකියා විරහිත උපාධිධාරීන් කිහිපදෙනෙකුම විවිධ ආබාධවලට ලක්විය.

ඡායාරූප – ශමීර රාජපක්‍ෂ

LEAVE A REPLY

Please enter your comment!
Please enter your name here