Home Local රටවල් 24ක සංචාරකයන්ට On Arrival Visa නිකුත් කිරීමට කැබිනට් අනුමැතිය

රටවල් 24ක සංචාරකයන්ට On Arrival Visa නිකුත් කිරීමට කැබිනට් අනුමැතිය

356
0

යුරෝපා සංගමයේ රටවල් ඇතුළු තවත් රටවල් 24ක් ශ්‍රී ලංකාවට පැමිණෙන සංචාරකයන් සඳහා ‘පැමිණීමේදී ලබාදෙන සංචාරක වීසා’ (On Arrival Visa) නිකුත් කිරීමට කැබිනට් අනුමැති හිමිව තිබෙනවා.

සංචාරක ක්ෂේත්‍රය වර්ධනය කිරීමේ අරමුණෙන් මීට පෙර යුරෝපා සංගමය ඇතුළු රටවල් 14ක් සඳහා ‘පැමිණීමේදී ලබාදෙන සංචාරක වීසා’ (On Arrival Visa) නිකුත් කිරීමේ නියමු ව්‍යාපෘතියක් සිදුකිරීමට කැබිනට් අනුමැති හිමිව තිබුණද, පාස්කු ප්‍රහාරය හේතුවෙන් එය අත්හිටු වීමට අමාත්‍ය මණ්ඩලය තීරණය කරනු ලැබුවා.

පාස්කු ප්‍රහාරයෙන් පසුව මේ වනවිට ශ්‍රී ලංකාව යථාතත්ත්වයට පැමිණ ඇති බැවින් ලංකාවට පැමිණෙන සංචාරකයන් සඳහා ‘පැමිණීමේදී ලබාදෙන සංචාරක වීසා’ (On Arrival Visa) නිකුත් කිරීමේ නියමු ව්‍යාපෘතියක් ක්‍රියාත්මක කිරීමට කැබිනට් අනුමැති හිමිව ඇති අතර, එහිදී එම පහසුකම ලබාදෙන රටවල් ප්‍රමාණය වැඩි කිරීමටද අනුමැතිය හිමිව තිබෙනවා.

ඒ අනුව තායිලන්තය, යුරෝපා සංගමය එක්සත් රාජධානිය, ඇමෙරිකා එක්සත් ජනපදය, ජපානය, ඔස්ට්‍රේලියාව, දකුණු කොරියාව, කැනඩාව, සිංගප්පූරුව, නවසීලන්තය, මැලේසියාව, ස්විස්ටලන්තය, කාම්බෝජය, ‌ඩෙන්මාර්කය, ස්වීඩනය, නෝර්වේ, පින්ලන්තය, අයිස්ලන්තය, පිලිපීනය, රැසියාව, චීනය, ඉන්දියාව යන රටවල් සඳහා පැමිණීමේදී ලබාදෙන සංචාරක වීසා (On Arrival Visa) නිකුත් කිරීමට නියමිතයි.

LEAVE A REPLY

Please enter your comment!
Please enter your name here