Home Environment රුසියාවේ යාකුටියා ප්‍රදේශයෙන් ⁣සොයාගත් වසර 40000 පමණ පැරණි වෘක හිස.

රුසියාවේ යාකුටියා ප්‍රදේශයෙන් ⁣සොයාගත් වසර 40000 පමණ පැරණි වෘක හිස.

808
0

ඉතාමත් හොඳින් හිම මඟින් සංරක්ෂණයවු මේ හිස අයත් වෙන්නෙ ප්ලයස්ටොසීන යුගයෙදි ජීවත්වුන යෝධ වෘකයන්ට. මේ හිස වර්තමාන වෘකයන්ට වඩා ප්‍රමාණයෙන් දෙගුණයක් පමණ විශාලයි. සම, මාංශ පේශින් ඉතාමත් හොඳින් සංරක්ෂණය වු මේ හිස මේ වන විට ස්වීඩනයේ DNA පර්යේෂණයන්ට යොමුකොට තිබෙනවා. වූලි මැමත්, වූලී රයිනෝසිරස් වැනි සතුන් ජීවත් වු යුගයේ ඔවුන්ට සමකාලීනව ජීවත් වු මේ වෘකයාගෙ හිස මෙලෙස සංරක්ෂිත තත්වයෙන් ලැබීම වර්තමානයේදි සිදුකරගෙන යනු ලබන ප්ලයස්ටොසීන සත්ව සන්තතියේ ජීනෝම නැවත ප්‍රතිනිර්මාණය කිරීමේ ව්‍යාපෘතිවලටත් මහඟ පිටුවහලක් වෙනවා.

ගෝලීය උණුසුම ක්‍රමක්‍රමයෙන් වැඩි වෙමින් යද්දි ආර්ක්ටික් හිම වැස්ම සීග්‍ර ලෙස පහත බසිනවා. මේ බැස්මත් එක්කම ප්‍රාග්ඓතිහාසික යුගවල ජීවත්ව මිය ගිය සතුන්ගෙ අවශේෂ සඟවා සිටින හිම ආවරණයන් පහව යද්දි ඒවා නැවත මතු වෙනවා. ඉදිරි කාලයේදි මෙවැනි තවත් සොයාගැනීම් ගනනාවක් සිදුවෙයි.

දෙවනි ඡායාරූපයේ තිබෙන්නෙ වර්තමාන වෘකයෙකු සහ සොයාගත් වෘක හිස අතර සංසන්දනාත්මක ප්‍රමාණයන්.

Image may contain: text

LEAVE A REPLY

Please enter your comment!
Please enter your name here