Home Hit ”අරාබි අකුරු ගහපු පුවරු සියල්ලම ගලවා දමන්න” – අමාත්‍ය වජිර අබේවර්ධන

”අරාබි අකුරු ගහපු පුවරු සියල්ලම ගලවා දමන්න” – අමාත්‍ය වජිර අබේවර්ධන

631
0

”මේ රටේ තියෙන්නේ එක නීතියයි. අරාබි භාෂාව අරාබි නීති ෂරීයා නීති මෙහේ බෑ. අරාබි අකුරු ගහපු පුවරු සියල්ලම ගලවා දමන්න රාජ්‍ය නිලධාරීන් වහාම කටයුතු කරන්න” යැයි අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍ය වජිර අබේවර්ධන පවසා සිටියා.

අමාත්‍යවරයා මේ බව කියා සිටියේ රාජ්‍ය නිලධාරීන් අමතමින් සිදුකරන ලද දේශනයකදීයි.

එහි දී වැඩිදුරටත් අදහස් දැක්වූ අමාත්‍යවරයා,

”නැගෙනහිර පළාතේ ඇතැම් තැන්වල අරාබි අකුරු සඳහන් පුවරු තිබෙනවා කියා පැමිණිලි ලැබී තිබෙනවා. ඒ් නිසා අගමැතිතුමාගේත් ජනාධිපතිතුමාගේත් උපදෙස් මත අපි චක්‍රලේඛයක් නිකුත් කරනවා සියලුම ප්‍රධාන ලේකම්වරුන්ට.

දිසාපතිවරුන්ට, ප්‍රාදේශීය ලේකම්වරුන්ට සහ පළාත් පාලන ආයතනවලට අරාබි අකුරු සඳහන් සියලු පුවරු රජයේ වේවා පුද්ගලික අංශයේ වේවා ගලවා දමන්න කියා. ශ්‍රී ලංකාවේ ආණ්ඩුක්‍රම ව්‍යවස්ථාව අනුව භාවිතා කරන්න පුළුවන් භාෂා 03යි. සිංහල දෙමළ සහ ඉංග්‍රීසි පමණයි. අරාබි භාෂාවෙන් පුවරු සවිකර තිබෙනවානම් ඒ්වා ගලවාදැමිය යුතුයි. ඒ සඳහා රාජ්‍ය නිලධාරීන් වහාම ක්‍රියාත්මක විය යුතුයි.

ඒ විතරක් නෙවෙයි මේ රටේ නීති 02ක් තිබෙන්න බෑ. අපේ රටේ තියෙන්නේ එක නීතියයි. මොන ආගමිකයාට වුණත් ඒ නීතිය පමණයි. ෂරියා නීතිය මෙහේ බෑ, ගල් ගහලා මරණ ඒවා. බෙල්ල කපා මරණ ඒවා මෙහේ කරන්න ඉඩ දෙන්නේ නැහැ. නමුත් අවාසනාවන්ත තත්ත්වයක් තිබුණා. 2010 සිට 2015 දක්වා මේ රටේ පාර්ලිමේන්තුවේ හදිසි පනත් කිහිපයක් සම්මත කරගෙන. මේ පනත් ඇතුලේ ෂරියා නීතිය තිබෙනවා. ඇතැම් ගැසට් පවා නිකුත් කරලා තිබෙනවා. අපි දැන් රජයක් ලෙස මේ ගැසට් සියල්ල අවලංගු කරනවා. ඒ වැරදි විදියට සම්මත කරපු පනත් සියල්ල සංශෝධනය කරනවා. මේවා රජය කඩිනමින් කරන්න අවශ්‍ය පියවර ගන්නවා.” යනුවෙන් කියා සිටියා.

LEAVE A REPLY

Please enter your comment!
Please enter your name here