Home Local සැත්කම් වලින් හානියක් වූ අයෙක් ඇත්නම් ඉදිරිපත් වන්නයි ඉල්ලීමක්

සැත්කම් වලින් හානියක් වූ අයෙක් ඇත්නම් ඉදිරිපත් වන්නයි ඉල්ලීමක්

682
0

කුරුණෑගල ශික්ෂණ රෝහලේ සේවය කරන ප්‍රසව හා නාරිවේද වෛද්‍යවරයකු විසින් කරන ලද සිසේරියන් සැත්කම් සහ නාරිවේද සැත්කම් වලින් තමන්ට කිසියම් ශාරීරික හානියක් සිදුවූයේ යැයි සැකකරන කාන්තාවන් සිටීනම් වහා පැමිණ ඒ සම්බන්ධයෙන් තොරතුරු දැනුම් දෙන ලෙස කුරුණෑගල ශික්ෂණ රෝහලේ අධ්‍යක්ෂ සරත් වීරබණ්ඩාර ඉල්ලීමක් කර සිටිනවා.

මේ සම්බන්ධයෙන් ඉදිරිපත් වන කාන්තාවන්ගෙන් ලබාගන්නා තොරතුරු අනුව අදාළ වෛද්‍යවරයා සම්බන්ධ පරීක්ෂණ ඉදිරියට ගෙන යන බවයි රෝහල් අධ්‍යක්ෂවරයා වැඩිදුරටත් පැවසුවේ.

කුරුණෑගල ශික්ෂණ රෝහලේදී අද (25) පැවැති මාධ්‍ය සාකච්ඡාවදී රෝහල් අධ්‍යක්ෂවරයා මේ බව දැනුම් දුන්නා.

සිංහල කාන්තාවන් පිරිසකට වඳ සැත්කම් කළේ යයි කුරුණෑගල රෝහලේ සේවය කරන ජ්‍යෙෂ්ඨ මුස්ලිම් වෛද්‍යවරයකුට එරෙහිව චෝදනාවක් එල්ලවී ඇතැයි ද පැවසුවා.

එම වෛද්‍යවරයා සැකකටයුතු ලෙස වත්කම් උපයා ගැනීමේ චෝදනාවක් යටතේ කුරුණෑගල පොලීසිය විසින් දැනටමත් සැකපිට අත්අඩංගුවට ගෙන තිබෙනවා.

වඳ සැත්කම් කිරීම සම්බන්ධයෙන් එම වෛද්‍යවරයාට එ⁣රෙහිව එල්ල වී ඇති චෝදනා සොයා බැලීම සඳහා මේ වනවිට රෝහල් මට්ටමෙන් පරීක්ෂණයක් අරඹා ඇති බැවින් සැකයක් පවතින කාන්තාවන් සිටීනම් රෝහල වෙත ඉදිරිපත් වන ලෙසයි කුරුණෑගල ශික්ෂණ රෝහලේ අධ්‍යක්ෂ සරත් වීරබණ්ඩාර ප්‍රකාශ කළේ.

පුෂ්පකුමාර ජයරත්න

LEAVE A REPLY

Please enter your comment!
Please enter your name here