Home Entertainment මහලු ජනපතිගේ සිත්ගත් පෙම්වතියෝ – PHOTOS

මහලු ජනපතිගේ සිත්ගත් පෙම්වතියෝ – PHOTOS

776
0

වර්තමානයේ ලෝකයේ ප්‍රසිද්ධම රාජ්‍ය නායකයකු ලෙස සැලකෙන රුසියානු ජනාධිපති ව්ලැදිමීර් පුටින් ලෝකයේ ප්‍රකට වාර ප්‍රකාශනයක් වන ෆෝර්බ්ස් සඟරාව විසින් 2013 සිට 2016 දක්වා සෑම වසරකම ලොව බලගතුම පුද්ගලයා ලෙස නම් කර තිබෙනවා.

එම බලවත් රුසියානු ජනාධිපතිවරයා නැවතත් විවාහ ගිවිස ගැනීමට සූදානම් බව ඔහු විසින්ම ප්‍රකාශ කර තිබෙනවා.

දැනට 66 වන වියේ පසුවෙන පුටින් 2013 වසරේ තම ප්‍රථම විවාහයෙන් දික්කසාද වී සිටිනවා.

නැවත විවාහ වන බවට ප්‍රකාශ කළත් ඒ කවුරුන් සමග ද, කෙදිනක ද, යන්න මාධ්‍යට පවසා නෑ.

තම පෞද්ගලික ජීවිතය මාධ්‍යයට නිරාවරණය කිරීමේ දී බොහෝ සෙයින් ප්‍රවේශම් වන රාජ්‍ය නායකයෙක් වන පුටින්ගේ විවාහ දිවිය හා පෙම්හබ පිළිබඳව මාධ්‍ය ඉදිරියේ නිරාවරණය වී ඇති කරුණු ප්‍රමාණය ඉතාම සීමිතයි.

1952 වසරේ සෝවියට් දේශයේ ලෙනින්ග්‍රාද්හි (වර්තමානයේ සාන්ත පිතර්බුර්ග් නමින් හඳුන්වන ප්‍රදේශය) උපත ලබන ව්ලැදිමීර් පුටින් 1970 දී ලෙනින්ග්‍රාද්හි රාජ්‍ය විශ්වවිද්‍යාලයට බැඳී නීතිය හදාරනනු ලබනවා.

පසුව සෝවියට් සංගමයේ රහස් ඔත්තු සේවය වන KGB ආයතනයට ඇතුලත් වන්නේ 1975 වසරේ දීයි.

ඔහු පුහුණුව ලබන්නේ සෝවියට් රුසියාවේ ලෙනින්ග්‍රාද්හි 401 වන KGB පුහුණු පාසලේ වන අතර ඔහු ටික කාලයක් ලෙනින්ග්‍රාද්වලම සේවය කරනු ලබනවා.

විශ්වවිද්‍යාල සමයේ දී ඔහුට තම පළමු පෙම්වතිය මුණ ගැසෙන අතර ඇයගේ නම ලුද්මීලා ලෙක්සැන්ද්‍රේවුනා.

ඒ කාලය වන විට ඇයත් සෝවියට් සංගමයේ ලෙනින්ග්‍රාද් රාජ්‍ය විශ්වවිද්‍යාලයයේ ඉගෙන ගනිමින් සිටි අතර පසුව ඇය ලෙනින්ග්‍රාද්හි සෝවියට් ගුවන් සේවයේ ගුවන් සේවිකාවක් ලෙස කටයුතු කරනවා.

දැන හඳුනාගැනීමෙන් අනතුරුව 1983 වසරේ ජූලි මාසයේ දී මොවුන් දෙදෙනා විවාහ වන අතර ඔවුන්ගේ පළමු දියණිය වන මරියා උපත් ලබන්නේ 1985 වසරේ අප්‍රේල් මාසයේ ලෙනින්ග්‍රාද්වල දී යි.

Image result for putin wife

එවකට නැගෙනහිර ජර්මනිය පාලනය කරන ලද්දේ සෝවියට් දේශය විසින්.

ඒ හේතුවෙන් පුටින්ව 1985 වසරේ දී නැගෙනහිර ජර්මනියේ ඩ්‍රෙස්ඩෙන් වෙත අනුයුක්ත කරනවා.

එහිදී භාෂා පරිවර්තකයෙක් ලෙස කටයුතු කරන පුටින් ජර්මන් භාෂා පුහුණුව සාර්ථකව නිම කරනවා.

ඔවුන් දෙපළගේ දෙවන දියණිය වන ඉකතිරීනා 1986 වසරේ අගෝස්තු මාසයේ දී උපත ලබන්නේ නැගෙනහිර ජර්මනියේ ඩ්‍රෙස්ඩෙන් නගරයේ දී යි.

සෝවියට් දේශය බිඳ වැටීමත් සමග 1990 වසරේ දී ඔහු සිය පවුල සමග නැවතත් රුසියාව බලා පැමිණෙනවා.

ටික කාලයකින් අනතුරුව KGB ආයතනයෙන් ඉවත් වෙන ඔහු පසුව රුසියාවේ FSB ආයතනයේ ප්‍රධානියා බවට පත්වෙනවා.

FSB යනු සෝවියට් සංගමය බිඳ වැටුණ පසු KGB වෙනුවට ස්ථාපිත කරන ලද ආයතනය යි.

පුටින් 1999 වසරේ දී රුසියාවේ අගමැතිවරයා බවට පත්වෙන අතරම පසුව එරට වැඩබලන ජනාධිපතිවරයා බවට පත් වෙනවා.

2000 මැයි 7 වනදා ඔහු එරට ජනාධිපතිවරයා ලෙස පළමුවරට දිවුරුම් දෙනු ලබනවා.

අගමැති බිරිදක ලෙස හෝ ජනාධිපති බිරිඳක ලෙස ලුද්මීලා ඇලෙක්සැන්ද්‍රේවුනා දේශපාලනික ජීවිතයක් ගත කළ බවට සාක්ෂි නෑ.

පුටින් සමග විදෙස් සංචාර, විවිධ රාජ්‍ය නායක සමුළුවලට ඇය සහභාගී වී නොමැති අතර අඩුම තරමේ පුටින් සමග ඔහුගේ බිරිඳ හා දරුවන් දෙදෙනා සිටිනා පින්තූරයක් සොයාගැනීම ද යම් තරමක් දුෂ්කර කරුණක්.

ඔහුගේ බිරිඳ මෙන්ම දියණියන් දෙදෙනා ද දේශපාලනයෙන් ඉවත් වී ජිවිත ගෙවන අතර මාධ්‍ය ඉදිරියට පවා පැමිණෙන්නේ නෑ.

කෙසේ නමුත් මෙම විවාහය නිමා වෙන බව පුටින් විසින් මුල්වරට මාධ්‍ය හමුවේ කියා සිටින්නේ 2013 වසරේ ජූනි මාසයේ දී යි.

2014 වසරේ අප්‍රේල් මාසයේ දී දික්කසාදය ස්ථිරව සිදුවන වන බව ක්‍රෙම්ලිනය වාර්තා කරනවා.

දික්කසාද වීමට බලපෑ හේතුව පිළිබඳව හරිහැටි තොරතුරු මාධ්‍ය වෙත වාර්තා වන්නේ නොමැති අතර මෙම විවාහ කාලසීමාවේ දී ඔහු හිටපු ඔලිම්පික් ජිම්නාස්ටික් රන් පදක්කම්ලාභිනියක් වන සුරූපි ඇලිනා කබේවා (Alina Kabaeva) සමග සම්බන්ධතා පැවැත්වූ බවට ඇතැම් මාධ්‍යයන් වාර්තා කර තිබෙනවා.

Image result for putin girlfriend 2019

කෙසේ නමුත් දික්කසාදයෙන් පසුව තමන් නැවතත් වෙනත් අයෙකු හා විවාහ වූ බව ලුද්මීලා ඇලෙක්සැන්ද්‍රේවුනා 2016 වසරේ දී ප්‍රකාශ කරනවා.

Image result for putin's wife

දික්කසාද වීමෙන් අනතුරුව ඔහුගේ පෙම්වතිය වූයේ ජිම්නාස්ටික් ක්‍රීඩිකාවක් වන ඇලිනා කබේවා බව මාධ්‍ය වාර්තාවල දක්වා තිබෙනවා.

Image result for putin girlfriend 2019

ඇය පුටින්ට වඩා වසර 30ක් ලාබාල අතර පුටින්ට දාව කබේවාට දියණියක් ලද බව කියවෙනවා.

නමුත් තමන් මෙම ක්‍රීඩිකාව සමග කිසිදු සම්බන්ධතාවක් නොපවත්වන බවත්, තමන් නිසා ඇයට දියණියක් ලැබී ඇති බව වාර්තා වීම අසත්‍යයක් බවත් පුටින් ප්‍රකාශ කරනවා.

Related image

කබේවාගේ මිත්තණියට හා සහෝදරියකට පුටින්ට පක්ෂපාති ව්‍යාපාරිකයෙකු විසින් අති සුඛෝපභෝගී මහල් සංකීර්ණයක නිවාස ලබා දී ඇති බව රුසියානු මාධ්‍යවල දැක්වෙනවා.

පුටින්, ඇලිනා කබේවාට අමතරව වෙන්ඩි ඩේන්ග් නම් කාන්තාව සමග ද සම්බන්ධතා පවත්වන බව විවිධ අවස්ථාවල වාර්තා වෙනවා.

Image result for wendi deng

ඊට අමතරව තවත් තරුණ සුරූපිනියක් වන ඇලිසා කර්චේවා සමග ද පුටින්ගේ පෙම් හබයක් ඇති බව වාර්තා වෙන්නේ 2012 වසරේ දී යි.

පසු කාලයක දී ඇය පුටින් වෙත උපන්දින තිළිණයක් ලෙස කළු පැහැති බළල් පැටවෙක් ලබා දුන් බව පැවසෙනවා.

එම තිළිණය ලබා දෙන මොහොතේ ඇය පුටින් සමග පින්තූරයකට පෙනී සිටින අතර, එම පින්තූරය පසු කෙලෙක මාධ්‍ය වෙත ලබාදීමට ද ඇය විසින් කටයුතු කර තිබෙනවා.

Image result for alisa kharcheva

පසුගිය දිනක වාර්ෂික මාධ්‍ය හමුවේ දී තමන් ළඟදීම නැවතත් විවාහ වෙන බව ඔහු පවසා ඇති අතර, ලෝකයේ ජනප්‍රියම හා බලවත් මහලු රාජ්‍ය නායකගේ අත ගන්නා ලාබාල රූමතිය කවුරුන් ද යන්න තාම අනාවරණය වී නෑ.

LEAVE A REPLY

Please enter your comment!
Please enter your name here