Home Hit ජවිපෙනුත් ජනපති අපේක්ෂකයෙක්

ජවිපෙනුත් ජනපති අපේක්ෂකයෙක්

320
0

ඉදිරි ජනපතිවරණය නොවැළැක්විය හැකි හේතුවක් මත පැවැත්වුවහොත් ප්‍රධාන පක්ෂ 02ට එරෙහිව ජනතා විමුක්ති පෙරමුණ විසින් අපේක්ෂකයෙකු ඉදිරිපත් කරන බව ජවිපෙ ප්‍රධාන ලේකම් ටිල්වින් සිල්වා පවසනවා.

ජනහමුවක් අමතමින් ඔහු මේ බව සඳහන් කර සිටියා.

“අපේ රටේ නැවත ජනාධිපතිවරණයක් තියන්න බෑ. මොකද දැන් ඉන්න ජනාධිපතිත් හිටපු ජනපතිවරුත් තමන්ගේ කාලය තුළ විධායක ජනපතිධුරය අහෝසි කරනවා කියලා පොරොන්දු වුණ කට්ටිය. දැන් අපි 20 ගෙනත් තියෙන්නේ. මේ මාර්තු මාසයේදි 20වැනි සංශෝධනය පාර්ලිමේන්තුවේ න්‍යාය පත්‍රයට ඇතුලත් වුණා.

20 වැනි සංශෝධනය පිළිබඳ ශ්‍රේෂ්ඨාධිකරණය තීරණයක් තියෙනවා. ශ්‍රේෂ්ඨාධිකරණය අපිට කිව්වා 20 වැනි සංශෝධනය සම්මත කර ගන්නවානම් පාර්ලිමෙන්තුවේ තුනෙන් දෙක හා ජනමත විචාරණයකින් මේක සම්මත කර ගන්න ඕන කියලා.

ලංකාවේ ව්‍යවස්ථා සංශෝධන කිසිවක් මෙතෙක් ජනතාව අනුමත කරපුවා නෙමෙයි තියෙන්නේ. ඒ නිසා අපි පාර්ලිමේන්තුවේ මන්ත්‍රීවරුන්ට කියනවා ජනතාවට අයිතිය දෙන්න. මේක පාර්ලිමේන්තුවේ අහෝසි කරන්න එපා.

ජනතා විමුක්ති පෙරමුණ තවමත් උත්සාහ කරමින් ඉන්නේ මේක අහෝසි කර ගන්න. හැබැයි ඒක වෙනුවෙන් බලා ඉන්න කාලයට සිමාවක් තියෙනවා. අපි ඊළඟ ජනපතිවරණය දවස වෙන තෙක් මේක පස්සේ යන්නේ නෑ.

අපි මැයි මාසය වන විට තීන්දුවක් ගන්නවා මොකක්ද? අපේ රටේ පාර්ලිමේන්තුවේ දේශපාලන පක්ෂ විසිවැනි සංශෝධනය සම්මත කර ගැනීමට සූදානම් නැත්නම්, නොවැලැක්විය හැකි හේතුවක් මත අපිට ජනාධිපතිවරණයක් එනවනම් අපි ඉතා පැහැදිලිව කියනවා මේ හොර කල්ලි 02ටම එරෙහිව අපේක්ෂකයෙක් ඉදිරිපත් කරන්න ජනතා විමුක්ති පෙරමුණ සූදානම්. ලේසියෙන් දිනන්න ඉන්නවම් ඒක හරියන්නේ නෑ.” යනුවෙන් සඳහන් කර සිටියා.

LEAVE A REPLY

Please enter your comment!
Please enter your name here