Home Local ජලාශ වලින් මතු වූ දූපත් – ගුවන් දර්ශන සහිතයි

ජලාශ වලින් මතු වූ දූපත් – ගුවන් දර්ශන සහිතයි

366
0

මධ්‍යම කදුකරයේ බටහිර බැවුම් ප්‍රදේශවල පිහිටි කාසල්රි සහ මවුස්සාකැලේ ජලාශ වල ජල මට්ටම තවදුරටත් පහල බැස ඇති බව එම ජලාශ භාර ඉංජිනේරුවන් කියාසිටිනවා.

අද (27) අලුයම වන විට කාසල්රි ජලාශයේ ජල මට්ටම පිටාර මට්ටමේ සිට අඩි 50 දක්වා පහල බැස ඇති බවත්, දැනට එම ජලාශයේ තිබෙන ජල ධාරිතාවෙන් අඩි 09 දක්වා පමණක් විදුලි උත්පාදනය සදහා ජල ලබා ගත හැකි බවයි විදුලි බල මණ්ඩලය කියා සිටින්නේ.

මවුස්සාකැලේ ජලාශයේ ජල මට්ටම පිටාර මට්ටමේ සිට අඩි 63 දක්වා පහල බැස ඇති අතර එම ජලාශයේ දැනට තිබෙන ජල ධාරිතාවෙන් අඩි 05 පමණක් විදුලි උත්පාදනයට ජලය ලබා ගතහැකි බවයි එම ජලාශ භාර ඉංජිනේරුවරයා කියා සිටියේ.

එම ජලාශවල ජල මට්ටම පහල බැසිමත් සමගම එම ජලාශවල රොන්මඩ විශාල වශයෙන් තැන්පත් වි ඇති අයුරු දක්නට ලැබෙන අතර එම ජලාශ ඉදිකිරිමේදි ජලාශ වලට යට වූ නටබුන් රැසක් සහ දුපත් රැසක් මේ වන විට මතු වි තිබෙනවා.

මවුස්සාකැලේ ජලාශය ඉදි කිරිමේදි යට වු ශ්‍රි සම්මුගනාදන් හින්දු ඝන දෙවි කෝවිලේ මේ වන විට මතු වි ඇති අතර එම හින්දු කොවිල තුල වු දේව ප්‍රතිමාවට ප්‍රදේශවාසින් විසින් දිනපතා වැසි ප්‍රාර්ථනා කරමින් පුජාවන් පවත්වනු ලබනවා.

එම හින්දු කොවිල 1917 වර්ෂයේදි ඉදිකර ඇති අතර එම කොව්ලේ අලංකාරය සහ පෞඪත්වය විදහා පැම සදහා කෝවිල සම්පුර්ණයෙන්ම කළුගලෙන් ඉදිකර ගල් කැටයම් කිහිපයක් නිර්මාණ කර තිබෙනවා.

වසර 100ට වඩා ඉපැරණි සම්මුගනාදන් ඝන දෙවි හින්දු කොවිලේ බිතු සිතුවම් තවදුරටත් ආරක්ෂිතව පවතින බවයි වාර්තා වන්නේ.

රංජිත් රාජපක්ෂ

LEAVE A REPLY

Please enter your comment!
Please enter your name here